توراپ حاۋىپسىزدىگى زاڭىنا وزگەرىس ەنگىزىلىپ بولدى

14 – كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 18 – رەتكى ءماجىلىسى 10 – ايدىڭ 28 – كۇنى توراپ حاۋىپسىزدىگى زاڭىنا وزگەرىس ەنگىزۋ جونىندەگى قاۋلىنى داۋىسقا سالىپ ماقۇلدادى، 2026 – جىلى 1 – ايدىڭ 1 – كۇنىنەن باستاپ اتقارىلادى.

2016 – جىلى جاسالعان توراپ حاۋىپسىزدىگى زاڭى — توراپ حاۋىپسىزدىگى سالاسىنداعى نەگىزدىك زاڭ. وسى رەتكى توراپ حاۋىپسىزدىگى زاڭىنا وزگەرىس ەنگىزۋ توراپ حاۋىپسىزدىگىنىڭ جاڭا جاعدايىنا، جاڭا تالابىنا ۇيلەسىپ، توراپ حاۋىپسىزدىگىنىڭ زاڭدىق جاۋاپكەرشىلىگىن ءتۇيىندى تۇردە كۇشەيتىپ، قاتىستى زاڭدارمەن ۇشتاسۋدى، سايكەسۋدى كۇشەيتتى.

جاساندى زەردەنى جونگە سالۋ مەن دامۋدى جەبەۋدىڭ قاجەتىنە جاۋاپ قايتارىپ، وزگەرىس ەنگىزىلگەننەن كەيىنگى توراپ حاۋىپسىزدىگى زاڭىندا مىنالار ايقىن بەلگىلەندى: مەملەكەت جاساندى زەردە نەگىزدىك نازارياسىن زەرتتەۋ مەن ەسەپتەۋ ءتاسىلى قاتارلى شەشۋشى تەحنيكالاردى زەرتتەپ اشۋعا قولداۋ كورسەتىپ، جاتتىعۋ ساندى مالىمەت بايلىعى، ەسەپتەۋ قۋاتى قاتارلى نەگىزدىك قۇرىلعىلار قۇرىلىسىن ىلگەرىلەتىپ، جاساندى زەردەنىڭ ەتيكالىق ولشەمىن كەمەلدەندىرىپ، حاۋىپ - قاتەردى باقىلاۋ - تەكسەرۋ، باعالاۋ مەن حاۋىپسىزدىكتى باقىلاۋ – باسقارۋدى كۇشەيتىپ، جاساندى زەردەنىڭ قولدانىلۋى مەن اقاۋسىز دامۋىن جەبەيدى.

كەلۋ قاينارى: حالىق تورابى