شينجياڭدا ءبىر جەر وسەك – اياڭعا تويتارىس بەرۋ مالىمدەمەسىن جاريالادى 

10 – ايدىڭ 27 – كۇنى ساعات 15 تەن 39 مينۋت وتكەندە، شينجياڭ تۇرپان قالاسى توقسۇن اۋدانىندا 4.7 بال جەر سىلكىنگەن، سىلكىنىس قاينارى 27 كيلومەتر تەرەڭدىكتە. سىلكىنىس ورتالىعى توقسۇن اۋدانى كۇمىس قالاشىعىنىڭ قيىس شىعىس – وڭتۇستىگىندە، قۇبا – تۇزدەگى ەلسىز وڭىردە.

جەر سىلكىنىسى تۋىلعان سوڭ، ءىشىنارا توراپتاستار كورىلىمگە يە بولۋ ءۇشىن، شىندىقپەن ساناسپاي، جەكەلىك مەديا تىركەلگىسى ارقىلى ”جەر سىلكىنىسىندەگى قيراندى“، ”قۇلاعان ۇيلەر“، ”حاۋىپتەن اراشالاۋ، قۇتقارۋ – كومەكتەسۋ“ قاتارلى مازمۇنداعى سۋرەتتەر مەن جازبالاردى جاريالاعان.

توقسۇن اۋداندىق شۇعىل جاعدايلارعا توتەپ بەرۋدى باسقارۋ مەكەمەسىنىڭ تەكسەرىپ تۇراقتاندىرۋىنشا، جوعارىدا ايتىلعان اقپاراتتاردىڭ بارلىعى وسەك – اياڭ بولىپ شىققان، ءىس جۇزىندىك جاعدايمەن مۇلدە ۇيلەسپەيدى. وسى رەتكى جەر سىلكىنىسىندە جارالانۋ جانە ءولىم – ءجىتىم جاعدايى تۋىلماعان، مال – مۇلىك زيانعا ۇشىراماعان.

ينتەرنەت ينفورماتسياسى تاراۋلارى بارشا جۇرتشىلىققا مىنانى ەسكەرتەدى: وسەك – اياڭ قۇراستىرماۋ، وسەك – اياڭعا سەنبەۋ، وسەك – اياڭ تاراتپاۋ، رەسمي ارنالار جاريالاماعان، شىن – جالعانى راستالماعان اقپاراتتارعا سەنە كەتپەۋ جانە ونى تاراتپاۋ، بارلىق جاعدايدا ۇكىمەت ورىندارى جاريالاعان اقپاراتتاردى نەگىز ەتۋ كەرەك.

كەلۋ قاينارى: حالىق تورابى