چيڭحاي ولكەلىك پارتكومنىڭ بۇرىنعى تۇراقتى مۇشەسى، ساياسي - زاڭ كوميتەتىنىڭ بۇرىنعى شۋجيى ياڭ فاسىننىڭ پارا الۋ دەلوسىنا ءبىرىنشى سوتتا ۇكىم شىعارىلدى

2025 – جىلى 10 – ايدىڭ 29 - كۇنى شانشي ولكەسى حانجۇڭ قالالىق ورتا دارەجەلى حالىق سوت مەكەمەسى ءبىرىنشى سوتتا چيڭحاي ولكەلىك پارتكومنىڭ بۇرىنعى تۇراقتى مۇشەسى، ساياسي - زاڭ كوميتەتىنىڭ بۇرىنعى شۋجيى ياڭ فاسىننىڭ پارا الۋ دەلوسىنا اشىق ۇكىم شىعارىپ، ايىپكەر ياڭ فاسىندى پارا الۋ قىلمىسى بويىنشا مەرزىمسىز قاماۋ جازاسىنا ۇكىم ەتىپ، ساياسي ۇقىعىنان ماڭگى ماحۇرىم ەتتى ءارى جەكەلىك مال – مۇلكىن ءمۇسادىرالادى. ياڭ فاسىننىڭ قىلمىس وتكىزىپ تاپقان مال – مۇلكىن زاڭ بويىنشا قۋزاپ قايتارىپ الىپ، مەملەكەت قازىناسىنا تاپسىرادى.

قاراۋ ارقىلى مىنالار انىقتالدى: 2005 – جىلى 3 – ايدان 2024 – جىلى 7 – ايعا دەيىن ايىپكەر ياڭ فاسىن شينجياڭ ۇيعۇر اۆتونوميالى رايونى اقسۋ ايماعى اقسۋ قالاسى يگەنشي اۋىلدىق پارتكومنىڭ شۋجيى، اقسۋ قالالىق پارتكومنىڭ تۇراقتى مۇشەسى، ورىنباسار قالا باستىعى، اقسۋ قالالىق پارتكومنىڭ ورىنباسار شۋجيى، باي اۋداندىق پارتكومنىڭ شۋجيى، كۇشار اۋداندىق پارتكومنىڭ شۋجيى، حوتان ايماقتىق پارتكومنىڭ شۋجيى، شينجياڭ ۇيعۇر اۆتونوميالى رايوندىق ۇكىمەتتىڭ ورىنباسار ءتوراعاسى، شينجياڭ ۇيعۇر اۆتونوميالى رايوندىق پارتكومنىڭ تۇراقتى مۇشەسى، ءۇرىمجى قالالىق پارتكومنىڭ شۋجيى، چيڭحاي ولكەلىك پارتكومنىڭ تۇراقتى مۇشەسى، ساياسي - زاڭ كوميتەتىنىڭ شۋجيى قاتارلى مىنەتتەردى وتەگەن كەزىندە قىزمەت قولايلىلىعىنان، سونداي - اق قىزمەت ۇقىعى نەمەسە ورنى قالىپتاستىرعان قولايلى شارت – جاعدايدان پايدالانىپ قاتىستى كاسىپورىندار مەن جەكەلەردىڭ قۇرىلىستى كوتەرمەگە الۋ، كاسىپورىن تيجاراتى قاتارلى ىستەرىنە كومەكتەسكەن، زاڭسىز العان مال - مۇلكى جيىنى 147 ميلليون يۋاننان اسقان.

حانجۇڭ قالالىق ورتا دارەجەلى حالىق سوت مەكەمەسى بىلاي دەپ قارادى: ايىپكەر ياڭ فاسىننىڭ ارەكەتى پارا الۋ قىلمىسىن قالىپتاستىرادى، سوماسى توتەنشە كوپ، ونى زاڭ بويىنشا جازالاۋ كەرەك. ياڭ فاسىننىڭ پارا الۋ قىلمىسىندا ماقساتىنا جەتە الماعان جاعدايىن، دەلوعا الدىرعاننان كەيىن دەلونى ءبىر جاقتى ەتۋ ورگانى ءالى يگەرمەگەن كوپ ساندى پارا الۋ فاكتىن ىرىقتىلىقپەن تاپسىرعان جاعدايىن، قىلمىستان تۇسكەن مال - مۇلىك تۇگەلدەي قايتارىلىپ الىنعان جاعدايدى ويلاستىرۋ ارقىلى، زاڭ بويىنشا جەڭىل جازالاۋعا بولادى. سوت مەكەمەسى جوعارىداعىداي ۇكىم شىعاردى.

ۇعىسۋعا قاراعاندا، حانجۇڭ قالالىق ورتا دارەجەلى حالىق سوت مەكەمەسى 9 – ايدىڭ 12 – كۇنى بۇل دەلونى اشىق قاراعان. سوتتا پروكۋراتۋرا ورگانى قاتىستى دالەل - ىسپاتتاردى كورسەتتى، ايىپكەر ياڭ فاسىن مەن ونىڭ اقتاۋشىسى فاكت كورسەتتى، شاعىم ايتۋشى مەن اقتاۋشى جاق سوتتىڭ باسقارۋىندا تولىق پىكىر ايتتى، ياڭ فاسىن سوڭعى ءسوزىن سويلەدى. قوعامداعى ءار سالا بۇقاراسىنان 20 عا جۋىق ادام سوت تەرگەۋىن سىرتتاي تىڭدادى.

كەلۋ قاينارى: حالىق تورابى