2700 كيلومەتر كەلەتىن جەرگە اۆتوموبيلگە وتىرماي بارماقشى؟ شينجياڭدىق ”قايسار قىز – جىگىتتەر“ تۇيەگە ءمىنىپ لوياڭعا بارماقشى 

10 – ايدىڭ 29 – كۇنى ”شىعىس تيانشاننان كەلگەن تۇيە كەرۋەنى“ گانسۋ ولكەسى ۋ – ۋەي قالاسىنا جەتتى، ولاردىڭ 8 – ايدىڭ 22 – كۇنى شينجياڭ قۇمىل ايماعى باركول اۋدانىنان جولعا شىققانىنا 68 كۇن بولدى. ”بۇگىن تۇيە كەرۋەنىمىز لياڭجوۋعا جەتتى، مىڭ جىلدىق بايىرعى جولدىڭ جاڭا تاراۋىن جازدىق“ دەيدى ولار.

بۇل تۇيە كەرۋەنىن باركول اۋداندىق مادەنيەت، دەنە تاربيە، راديو – تەلەۆيزيا جانە ساياحات مەكەمەسى پارتگرۋپاسىنىڭ بۇرىنعى شۋجيى، بۇرىنعى ورىنباسار مەكەمە باستىعى جياڭ شياۋلياڭ باستاعان، كەرۋەن قۇرامىندا 20 نەشە ادام بار، ولار 33 تۇيە، 3 ات، 3 ءيت جانە 6 قامتاماسىزداندىرۋ اۆتوموبيلىمەن 12 – ايدىڭ باس شەنىنە دەيىن جىبەك جولىن بويلاي 2700 كيلومەترلىك جول باسىپ، لوياڭعا جەتپەكشى.

60 نەشە كۇننەن بەرى تۇيە كەرۋەنى جاناما جولدارمەن ءجۇرىپ، 12 بال بورانعا جولىعىپ، ەلسىز يەن جەردە بايلانىستىڭ ءۇزىلۋى سىندى سىناقتارعا ءدوپ كەلگەن، حىشي دالىزىندەگى جۇرتتىڭ ىستىق ىقىلاسپەن قابىلداۋىندا بولعان. جول بويى ولار ىرىقتىلىقپەن ”اۋىس – كۇيىس كوپىرىن“ سالدى: تۇيەلى جارمەڭكە وتكىزىپ، ەرەكشەلىككە يە ءان - ءبي نومىرلەرىن ورىندادى، شينجياڭنىڭ ەرەكشەلىككە يە ونىمدەرىن تانىستىردى. جياڭ شياۋلياڭ مىنانى ءبىلدىردى: تاريحتىڭ كوشىندە حىنان ولكەسى مەن شينجياڭ ەجەلگى جىبەك جولىنداعى ماڭىزدى ءتۇيىن بولعان، مۇنان دا ماڭىزدىسى، قۇمىل ۇزاق ۋاقىتتان بەرى حىنان ولكەسىنىڭ حالىق تۇرمىسى، ەكونوميكا، مادەنيەت جاقتارىنداعى قالتقىسىز كومەگىنە يە بولعان، ”ءبىز وسى رەتكى تۇيە كەرۋەنىمەن لوياڭعا جەتىپ، قۇمىلداعى ءار ۇلت حالقىنىڭ راقىمەتىن جەتكىزبەكشىمىز“.

كەلۋ قاينارى: حالىق تورابى