ساق بولىڭىز! بۇل اقشانى تاپسىرۋىڭىزدىڭ قاجەتى جوق!

11 – ايدىڭ 5 – كۇنى، مەملەكەتتىك شەتەل اقشاسىن باسقارۋ مەڭگەرمەسى اتالعان مەكەمەنىڭ اتىن جامىلىپ اقى الۋشىلاردان ساق بولۋ تۋرالى ۇقتىرۋدى جاريالاعان. ۇقتىرۋدا مىنالار اتاپ كورسەتىلگەن: جۋىردا زاڭسىز ەلەمەنتتەر مەملەكەتتىك شەتەل اقشاسىن باسقارۋ مەڭگەرمەسىنىڭ نەمەسە قاتىستى بولىمشە مەكەمەلەردىڭ اتىن جامىلىپ، قاعاز جۇزىندەگى قۇجاتتى كورسەتۋ، حات جولداۋ نەمەسە تەلەفون بەرۋ سياقتى فورمالارمەن كاسىپورىندارعا نەمەسە جەكەلەرگە جالعاننان قۇراستىرىلعان ۇقتىرۋدى جىبەرىپ، ”شەكارا اتتاعان قاراجاتقا قاتىستى نازارعا ىلىنگەندەردىڭ تىزىمدىگى“، ”ايىرباس جاعدايىنا قاتىستى حاۋىپ – قاتەر قاراجاتى“ قاتارلى جالعان باقىلاۋ – باسقارۋ تالاپتارىن ويدان قيىستىرىپ، كاسىپورىندار مەن جەكەلەردەن شەكارا اتتاعان قاراجاتتىڭ جالپى سوماسىنىڭ بەلگىلى سالىستىرماسىن اتالمىش ”حاۋىپ – قاتەر قاراجاتى“ نەمەسە ”ارنالىق قاراجات“ رەتىندە تاپسىرۋدى تالاپ ەتكەن.

مەملەكەتتىك شەتەل اقشاسىن باسقارۋ مەڭگەرمەسى مىنانى ءبىلدىردى:

مەملەكەتتىك شەتەل اقشاسىن باقىلاۋ مەڭگەرمەسى مەن ونىڭ بولىمشە مەكەمەلەرى ەشقاشان قاعاز جۇزىندە قۇجات جولداۋ، حات جولداۋ نەمەسە تەلەفون بەرۋ قاتارلى فورمالارمەن كاسىپورىندار، جەكەلەر قاتارلى تۇلعالارعا ”ايىرباس جاعدايىنا قاتىستى حاۋىپ – قاتەر قاراجاتى“، ”ارنالىق قاراجات“ قاتارلىلاردى تاپسىرۋدى تالاپ ەتكەن ۇقتىرۋ جولداماعان. مەملەكەتتىك شەتەل اقشاسىن باسقارۋ مەڭگەرمەسى مەن ونىڭ بولىمشە مەكەمەلەرى شەتەل اقشاسىنا قاتىستى جۇمىستاردى بىتىرگەندە ءارقانداي فورماداعى ”حاۋىپ – قاتەر قاراجاتىن“ نەمەسە ”ارنالىق قاراجاتتى“ المايدى.

اتالمىش ”ايىرباس جاعدايىنا قاتىستى حاۋىپ – قاتەر قاراجاتى“، ”ارنالىق قاراجات“ دەگەن مازمۇندا قۇجات جولداعان، حات جولداعان نەمەسە تەلەفون سوققان ارەكەتتەردىڭ بارلىعى الدامكوستىك.

 مەملەكەتتىك شەتەل اقشاسىن باسقارۋ مەڭگەرمەسى مىنانى باسا دارىپتەدى: قاتىستى تۇلعالار وسى تەكتەس قۇجاتتاردى، حاتتاردى تاپسىرىپ العاندا نەمەسە وسى تەكتەس تەلەفوندى قابىلداعاندا قىراعىلىقتى ارتتىرىپ، قارسى جاقتىڭ سالاۋاتىن مۇقيات تەكسەرىپ تۇراقتاندىرۋى قاجەت، ولارعا سەنبەۋى، جەكەلىك ينفورماتسيالارى مەن مال – مۇلكىنىڭ حاۋىپسىزدىگىن ويداعىداي قورعاعانى ءجون. الدا – جالدا زاڭعا قايشى قىلمىس دەرەكتەرىن بايقاساڭىز نەمەسە زيانعا ۇشىراساڭىز، دەر كەزىندە سول جەردەگى قوعام حاۋىپسىزدىگى ورگاندارىنا دەلونىڭ جاعدايىن مالىمدەپ، بەلسەندى تۇردە دەرەكتەرمەن قامداپ، قوعام حاۋىپسىزدىگى ورگاندارىنىڭ دەلونى تەكسەرۋىنە، زياننىڭ ورنىن تولتىرۋعا كۇش سالۋىنا سايكەسڭىز.

كەلۋ قاينارى: حالىق تورابى