بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.11.05 16:47 كەلۋ قاينارى : حالىق تورابى
جۇڭگو تەمىر جولى دارىندىلاردى جۇمىسقا قابىلداۋ تورابىنىڭ حابارلاۋىنشا، 11 – ايدىڭ 3 – كۇنى جۇڭگو تەمىر جولى ءۇرىمجى مەكەمەسى توپ شەكتى سەرىكتەستىگى جۇمىسقا قابىلداۋ تۋرالى ۇقتىرۋ شىعارعان، جاي جوعارى مەكتەپتەردەن بىتىرگەن تولىق كۋرس نەمەسە ودان جوعارى ماعلۇماتقا يە ستۋدەنتتەردىڭ اراسىنان 745 ادامدى قابىلدايدى، مۇنىڭ ىشىندە 10 ادامدى باسقارۋشىلىققا تاربيەلەيدى؛ جاي جوعارى مەكتەپتەردەن جوعارى تەحنيكۋم (ارناۋلى كۋرس) بىتىرگەندەردەن 2601 ادامدى جۇمىسقا قابىلدايدى.
وسى رەتكى جۇمىسقا قابىلداۋ 2026 – جىلى، 2025 – جىلى وقۋ بىتىرگەن، مەملەكەتتىك وقۋشى قابىلداۋ جوسپارىنا ەنگىزىلگەن جاي جوعارى مەكتەپتەردەن اسپيرانتۋرا، تولىق كۇندىك كۋرس وقىعاندارعا، سونداي – اق، جاي جوعارى مەكتەپتەردەن جوعارى تەحنيكۋم (ارناۋلى كۋرس) وقىعاندارعا باعىتتالادى. جۇمىسقا قابىلداۋ بارىسىندا مەكتەپ اۋلاسىندا جۇمىسقا قابىلداۋ ءتاسىلى قولدانىلادى. جۇمىسقا قابىلداۋ ءتارتىبى ينتەرنەت ارقىلى تىزىمدەلۋ، تولىمدىلىعىن تەكسەرۋ، بەتپە – بەت ەمتيحان الۋ، اشىق جاريالاۋ جانە قابىلداۋ قاتارلى باسقىشتار بويىنشا ورىستەتىلەدى.
مۇندا جاي جوعارى مەكتەپتەردەن وقۋ بىتىرگەن تولىق كۋرس نەمەسە ودان جوعارى ماعلۇماتقا يە ستۋدەنتتەردىڭ تىزىمدەلۋ ۋاقىتى 2025 – جىلى 11 – ايدىڭ 3 – كۇنىنەن 2026 – جىلى 3 – ايدىڭ 30 – كۇنىنە دەيىن؛ تولىق كۇندىك جاي جوعارى مەكتەپتەردەن جوعارى تەحنيكۋم (ارناۋلى كۋرس) بىتىرگەندەردىڭ تىزىمدەلەتىن ۋاقىتى 2025 – جىلى 11 – ايدىڭ 3 – كۇنىنەن 2025 – جىلى 12 – ايدىڭ 30 – كۇنىنە دەيىن.
ەمتيحانعا تىزىمدەلۋشىلەر الدىمەن ”جۇڭگو تەمىر جولى دارىندىلاردى جۇمسقا قابىلداۋ تورابىنا“ (http://rczp.china-railway.com.cn) شىعىپ، ”كەڭەس الۋ جانە سۇراۋ – جاۋاپ“ دەگەن پاراقشانى اشىپ، شىن اتى – ءجونى بويىنشا تىزىمدەلگەن سوڭ، جوعارىدا ايتىلعان ۋاقىت ىشىندە اتالعان توراپقا شىعىپ، جۇمىس ورنىنا قويىلاتىن تالاپتار مەن كاسىپتىك تالاپتار بىردەي بولۋ پرينسيبى بويىنشا ەمتيحان بەرمەكشى بولعان ورىندى تاڭداپ، ينتەرنەت ارقىلى قىسقاشا تانىستىرۋدى تاپسىرۋىنا بولادى، تاپسىرۋدان بۇرىن ەمتيحان بەرمەكشى بولعان جۇمىس ورنىن انىقتاپ تەكسەرىپ كورۋ كەرەك، ءبىر ادامنىڭ تەك ءبىر رەت قانا ءارى ءبىر جۇمىس ورنىنا عانا قىسقاشا تانىستىرۋىن تاپسىرۋىنا بولادى، قىسقاشا تانىستىرۋىن تاپسىرعان سوڭ قايتارىپ الۋعا جانە وزگەرتۋگە بولمايدى.
تىزىمدەلۋ مەزگىلىندە كەڭەس سۇراۋ تەلەفونى: 0991-7920215؛ كەڭەس سۇراۋ مەرزىمى: 2025 – جىلى 11 – ايدىڭ 3 – كۇنىنەن 2025 – جىلى 12 – ايدىڭ 30 – كۇنىنە دەيىن؛ تەلەفون قابىلدايتىن ۋاقىت: قىزمەت كۇنى ساعات 10:00 – 12:00 ارالىعى.
كەلۋ قاينارى: حالىق تورابى
