برازيليا بىرلەسكەن مەملەكەتتەر ۇيىمىنىڭ كليمات وزگەرىسى ءماجىلىسى مەزگىلىندە استاناسىن ۋاقىتشا كوشىرەدى 

برازيليا زۇڭتۇڭى لۋلا 11 – ايدىڭ 4 – كۇنى برازيليانىڭ سولتۇستىگىندەگى پارا شتاتىنىڭ ورتالىعى بەلەم قالاسىندا زاڭ جوباسىنا قول قويىپ، 11 – ايدىڭ 11 – كۇنىنەن 21 – كۇنىنە دەيىن برازيليانىڭ استاناسىن برازيليا قالاسىنان بەلەم قالاسىنا كوشىرۋدى ۇيعاردى، مۇنداعى ماقساتى — جۋىردا بەلەم قالاسىندا وتكىزىلەتىن «بىرلەسكەن مەملەكەتتەر ۇيىمىنىڭ كليمات وزگەرىسى جۇلگەلىك شارتىنداعى» شارتتاسۋشى جاقتاردىڭ 30 – رەتى ماجىلىسىنە (COP30) سايكەسۋ.

برازيليا ۇكىمەتىنىڭ 11 – ايدىڭ 4 – كۇنى جاريالاۋىنشا، بەلەم ۋاقىتتىق استانا بولعان مەزگىلدە، اكىمشىلىك، زاڭ جاساۋ جانە ءادىليا سىندى ءۇش ءىرى ۇقىق ورگاندارىنىڭ تۇگەلدەي وسى ارادا قىزمەت ىستەۋىنە بولادى، زۇڭتۇڭ مەن مينيسترلەر قول قوياتىن بارلىق قۇجاتتارعا قول قويىلاتىن ورىن بەلەمگە وزگەرتىلەدى.

بەلەم — امازون جاڭبىرلى ورمانى وڭىرىندەگى ماڭىزدى قاتىناس جانە ەكونوميكا وزەگى. ۇقتىرۋعا قاراعاندا، برازيليا استاناسىن ۋاقىتشا كوشىرۋ ارقىلى امازون ءوڭىرىنىڭ دۇنيە جۇزىلىك قورشاعان ورتا كەڭەسىندەگى ماڭىزدىلىعىن كورنەكتىلەندىرىپ، برازيليانىڭ كليمات وزگەرىسىنە توتەپ بەرۋ جاعىنداعى ۋادەسىن باسا دارىپتەۋدى ءۇمىت ەتەدى.

بىرلەسكەن مەملەكەتتەر ۇيىمىنىڭ وسى رەتكى كليمات وزگەرىسى ءماجىلىسى وسى ايدىڭ 10 – كۇنىنەن 21 – كۇنىنە دەيىن وتكىزىلەدى. وسىنىڭ الدىندا برازيليا 1992 – جىلى بىرلەسكەن مەملەكەتتەر ۇيىمىنىڭ قورشاعان ورتا جانە دامۋ ءماجىلىسى مەزگىلىندە استاناسىن ۋاقىتشا ريو – دە – جنەيروعا كوشىرگەن بولاتىن.

كەلۋ قاينارى: حالىق تورابى