جۇڭگو ا ق ش ۋاكىلدەرىنىڭ كليمات ماسەلەسىندە جۇڭگونى قيسىنسىز جازعىرۋىنا تويتارىس بەردى

شينحۋا اگەنتتىگىنىڭ 11 – ايدىڭ 6 - كۇنى ب م ۇ – نان بەرگەن حابارى. جۇڭگونىڭ ب م ۇ – نداعى ورىنباسار ۋاكىلى گىڭ شۋاڭ 11 – ايدىڭ 6 - كۇنى حاۋىپسىزدىك القالار كەڭەسىنىڭ كليمات جانە حاۋىپسىزدىك ماسەلەسىن جاريا ۇستاۋ ماجىلىسىندە ا ق ش ۋاكىلدەرىنىڭ جۇڭگونى قيسىنسىز جازعىرۋىنا تويتارىس بەردى.

سول كۇنگى حاۋىپسىزدىك القالار كەڭەسىنىڭ ماجىلىسىندە، ا ق ش ۋاكىلدەرى ەكى رەت ءسوز سويلەپ، جۇڭگونىڭ كومىرتەگىن شىعارۋ مولشەرى وراسان زور ەكەندىگىن جازعىرىپ، جۇڭگونى ”ورىنسىز تاسىلدەر ارقىلى ەكونوميكالىق باسىمدىققا قول جەتكىزدى ءارى ورتانى لاستادى“ دەپ جالا جاپتى، سونىمەن بىرگە ا ق ش - نىڭ قورشاعان ورتا ساياساتىنىڭ ”تابىستى“ بولۋى ءار ەلدىڭ ”ۇلگىسى“ دەپ وتىرىك ماقتاندى.

گىڭ شۋاڭ ەكى رەت جاۋاپ قايتارىپ، ا ق ش ۋاكىلدەرىنىڭ جۇڭگونى قيسىنسىز جازعىرۋىنا تويتارىس بەردى. ول بىلاي دەدى: جۇڭگو دۇنيە ءجۇزى مويىنداعان لاس زاتتاردىڭ شىعارىلۋىن ازايتۋ ۋادەسىن ورىنداۋ ەركى ەڭ بەرىك، ارەكەتى ەڭ پارمەندى، ءونىمى ەڭ كورنەكتى مەملەكەت، بۇكىل جەر شارىنىڭ كليمات وزگەرىسىنە توتەپ بەرۋدەگى شارتسىز ارەكەتشى. جۇڭگودا ءبىر ميلليارد 400 ميلليون جان سانى بار، ىشكى ءوندىرىستىڭ جالپى قۇنى دۇنيە ءجۇزى بويىنشا 2 - ورىندا تۇرادى، كوپ جىلدان بەرى دۇنيە ءجۇزى ەكونوميكاسىنىڭ ارتۋىنا قوسقان ۇلەسى جىلىنا ورتا ەسەپپەن %30 تەن استى، جۇڭگونىڭ جان باسىندىق كومىرتەگىن شىعارۋ مولشەرى دۇنيە جۇزىندە جوعارى دەڭگەيدە ەمەس.

گىڭ شۋاڭ بىلاي دەپ اتاپ كورسەتتى: ا ق ش – نا نازار سالساق، دۇنيە ءجۇزى تاريحىندا پارنيك گازىن ەڭ كوپ شىعارعان مەملەكەت، ادام باسىنا تۋرا كەلەتىن كومىرتەگىن شىعارۋ مولشەرى باستان – اياق دۇنيە ءجۇزىنىڭ ەڭ جوعارى دەڭگەيىندە تۇر. سونىمەن بىرگە، ا ق ش كليمات وزگەرىسى ادامزات تاريحىنداعى ەڭ ۇلكەن الدامشىلىق دەپ اشىقتان - اشىق اتاپ كورسەتىپ، تاريحتى كەرى شەگىندىرىپ، ”پاريج كەلىسىمىنەن“ ەكى رەت شەگىنىپ، بۇكىل جەر شارى كليماتىن جونگە سالۋ قۇلشىنىسىن اۋىر دارەجەدە ءبۇلدىرىپ، دۇنيە ءجۇزىنىڭ كليمات وزگەرىسىنە توتەپ بەرۋ سەلبەستىگىنىڭ ەڭ ۇلكەن كەدەرگىسىنە اينالدى.

”كليمات وزگەرىسى ماسەلەسىن ارقاۋ ەتە وتىرىپ، كىم ارەكەت قولدانىپ وتىر، كىم جاۋاپكەرشىلىكتەن قاشقالاقتاپ وتىر، كىمنىڭ سەلبەسكىسى كەلەدى، كىم ورىنسىز بىلىقتىرىپ وتىر، مەنشە مۇنى كوپشىلىكتىڭ ءبارى بىلەدى.“ گىڭ شۋاڭ بىلاي دەپ اتاپ كورسەتتى: كليمات وزگەرىسىنە توتەپ بەرۋ ماسەلەسىندە حالىقارالىق قوعام جازعىرۋ مەن جاۋاپكەرشىلىكتى باسقاعا يتەرمەلەۋدى ەمەس، قايتا ىنتىماقتى، سەلبەستىكتى قاجەت ەتەدى.

كەلۋ قاينارى: حالىق تورابى