مەملەكەتتىك ورمان شارۋاشىلىعى جانە جايىلىم مەكەمەسى پارتگرۋپپاسىنىڭ بۇرىنعى مۇشەسى، بۇرىنعى ورىنباسار مەكەمە باستىعى لي چۇنلياڭ تارتىپكە، زاڭعا اۋىر قايشىلىق جاساعاندىقتان پارتيادان ايدالدى

شينحۋا اگەنتتىگىنىڭ 11 – ايدىڭ 10 - كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ بەكىتۋىمەن، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى مەملەكەتتىك ورمان شارۋاشىلىعى جانە جايىلىم مەكەمەسى (مەملەكەتتىك باقشا باسقارۋ مەكەمەسى) پاتگرۋپپاسىنىڭ بۇرىنعى مۇشەسى، بۇرىنعى ورىنباسار مەكەمە باستىعى لي چۇنلياڭنىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ، تەكسەرۋ جۇرگىزدى.

تەكسەرۋ ارقىلى مىنانى انىقتادى: لي چۇنلياڭ مۇرات - سەنىمنەن ايرىلىپ، اۋەلگى ماقساتتان، بورىشتان بەزىپ، ءتارتىپ - زاڭ جونىندەگى تانىمىن السىرەتكەن، ۇيىمنىڭ تەكسەرۋىنە قارسى شىققان؛ ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساپ، بەلگىلەمەگە قايشىلىق جاساپ جەكەلىك ساۋىقحاناعا بارعان؛ بەلگىلەمە بويىنشا جەكە باسىنا قاتىستى ىستەردى مالىمدەمەگەن، كادرلاردى تاڭداپ ىستەتۋ قىزمەتىندە باسقالارعا پايدا جەتكىزگەن جانە دە اقشا، مال – مۇلىك العان؛ بەلگىلەمەگە قايشى فورمامەن تارتۋ – تارالعى، اقشا العان، بەلگىلەمەگە قايشى فورمامەن باسقارۋ جانە قىزمەت وتەۋ وبيەكتىسىنىڭ اقشاسىن ىستەتە تۇرعان، بەلگىلەمەگە قايشى فورمامەن باسقارۋ جانە قىزمەت وتەۋ وبيەكتىلەرى قامداعان ءۇي اشەكەيلەۋ قىزمەت وتەۋىن قابىلداعان؛ پارتيا مەن حالىق بەرگەن جالپىلىق ۇقىقتى باس پايداسىن كوزدەيتىن قۇرالعا اينالدىرىپ، ۇقىق - اقشا ساۋداسىمەن بارىنشا شۇعىلدانىپ، قىزمەت قولايلىلىعىنان پايدالانىپ، باسقالاردىڭ سەرىكتەستىك تيجاراتى، نىسانداردى كوتەرەگە الۋ، اكىمشىلىك رۇقسات ەتۋ قاتارلى جۇمىستارىنا پايدا جەتكىزگەن ءارى زاڭسىز قىرۋار مال – مۇلىك العان.

لي چۇنلياڭ پارتيانىڭ ساياسي تارتىبىنە، ۇيىمدىق تارتىبىنە جانە پاكتىك تارتىبىنە اۋىر دارەجەدە قايشىلىق جاساپ، قىزمەت مىندەتىندە زاڭعا اۋىر قايشىلىق جاساعان ءارى پارا الۋ، ىقپال كۇشىنەن پايدالانىپ پارا الۋ قىلمىسىنا شاتىلعان، ونىڭ ۇستىنە پارتيا 18 ـ قۇرىلتايىنان كەيىن دە تيىلماعان، تىزگىنىن تارتپاعان، سيپاتى اۋىر، ىقپالى ناشار، قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىنە اكىمشىلىك جازا بەرۋ زاڭى» قاتارلى قاتىستى بەلگىلەمەلەرگە ساي، ورتالىق ءتارتىپ تەكسەرۋ كوميتەتى تۇراقتى كوميتەتىنىڭ ماجىلىسىندە اقىلداسۋ ءارى ج ك پ ورتالىق كوميتەتىنىڭ بەكىتۋى ارقىلى لي چۇنلياڭعا پارتيادان شىعارۋ جازاسىن بەرۋدى ۇيعاردى؛ بەلگىلەمە بويىنشا ونىڭ يگىلىكتەنەتىن مامىلەسىن كۇشىنەن قالدىردى؛ تارتىپكە، زاڭعا قايشىلىق جاساپ تاپقان تابىسىن ءمۇسادىرالادى؛ ونىڭ قىلمىسقا ساياتىن ماسەلەلەرىن پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا وتكىزىپ بەرەدى، وعان ساياتىن مال - مۇلىكتى بىرگە وتكىزىپ بەرەدى.

كەلۋ قاينارى: حالىق تورابى