جۇمىستانۋ الدىنداعى پراكتيكا ىستەۋ قوسىمشا قاراجاتىن قانداي ادامداردىڭ الۋىنا بولادى؟ قوسىمشا قاراجات الۋ ءۇشىن قانداي شارتتارعا ساي كەلۋى كەرەك؟ 

ورتالىق تەلەۆيزيا تورابى: ادام كۇشى بايلىعى جانە قوعامدىق قامتاماسىزداندىرۋ مينيسترلىگى 11 – ايدىڭ 7 – كۇنى رەسمي ۋيشين تەكشەسى ارقىلى ”قانداي ادامداردىڭ جۇمىستانۋ الدىنداعى پراكتيكا ىستەۋ قاراجاتىن الۋىنا بولادى؟ قوسىمشا قاراجات الۋ ءۇشىن قانداي شارتتارعا ساي كەلۋى كەرەك؟“ دەگەن سياقتى ماسەلەلەر جونىندە جاۋاپ قايتاردى.

جوعارى مەكتەپتەن ءبىتىرىپ مەكتەپتەن كەتكەنىنە 2 جىلدان اسپاعان ءارى ءالى جۇمىستانباعان 16 – 24 جاس ارالىعىنداعى جاستاردى جۇمىستانۋ الدىنداعى پراكتيكاعا قاتىناستىرعان ورىندارعا بەلگىلى ولشەم بويىنشا جۇمىستانۋ الدىنداعى پراكتيكا ىستەۋ قوسىمشا قاراجاتى بەرىلەدى، بۇل قاراجات پراكتيكا ىستەگەندەرگە پراكتيكا مەزگىلىندە بەرىلەتىن نەگىزگى تۇرمىستىق قاراجات، پراكتيكا ىستەگەندەرگە كەزدەيسوق جازىمنان قامسىزداندىرۋ ساتىپ الۋ قاراجاتى رەتىندە، سونداي – اق، پراكتيكا ىستەۋشىلەرگە جەتەكشىلىك ەتۋ جانە ولاردى باسقارۋ قاراجاتى رەتىندە پايدالانىلادى.

جۇمىس الدىنداعى پراكتيكا ىستەۋ مەرزىمى تولماستان جۇمىس الدىندا پراكتيكا ىستەۋشىمەن ەڭبەك توقتامىن جاساعان جاعدايدا، جەر – جەر جۇمىس الدىنداعى پراكتيكانىڭ قالعان ۋاقىت شەگى بويىنشا قوسىمشا قاراجاتتى تولىقتاپ بەرسە بولادى، اتقارىلاتىن مەرزىمى 2025 – جىلى 12 – ايدىڭ 31 – كۇنىنە دەيىن.

قوسىمشا قاراجات ولشەمى شامامەن ايىنا 1500 يۋان، جۇمىس الدىنداعى پراكتيكا ىستەۋ مەرزىمىنىڭ شەگى 3 – 12 اي.

ءوتىنىش بەرۋگە ساياتىن ناقتى ىستەردى ءبىلۋ ءۇشىن جەرگىلىكتى ورىنداعى ادام كۇشى بايلىعى جانە قوعامدىق قامتاماسىزداندىرۋ تاراۋلارىنىڭ رەسمي ينتەرنەت پاراقشاسىنان نەمەسە ۋيشين تەكشەسىنەن كورە الاسىزدار، ياكي، جەرگىلىكتى ورىنداعى الەۋمەتتىك جۇمىستانۋ جاعىندا قىزمەت وتەۋ قۇرىلىمدارىنان كەڭەس سۇراۋىڭىزعا بولادى.

كەلۋ قاينارى: حالىق تورابى