12 – كەزەكتى جۇڭگو — ورتا ازيا سەلبەستىك تالقى مىنبەرى ۇرىمجىدە اشىلدى 

حالىق گازەتىنىڭ ءتىلشىسى لي يانان 11 – ايدىڭ 6 – كۇنى ۇرىمجىدەن حابارلايدى. 12 – كەزەكتى جۇڭگو — ورتا ازيا سەلبەستىك تالقى مىنبەرى 11 – ايدىڭ 6 – كۇنى ۇرىمجىدە اشىلدى. مەملەكەتتىك ساياسي كەڭەستىڭ ورىنباسار ءتوراعاسى، شاڭحاي سەلبەستىك ۇيىمىنىڭ تاتۋ كورشىلىك جانە دوستىق سەلبەستىك كوميتەتىنىڭ ءتوراعاسى شىن يۋەيۋە اشىلۋ سالتىنا قاتىناستى ءارى ارقاۋ ءسوز سويلەدى.

شىن يۋەيۋە مىنانى ءبىلدىردى: ءتوراعا شي جينپيڭ 2 – كەزەكتى جۇڭگو — ورتا ازيا باسشىلار كەڭەسىندە ”ءوزارا قۇرمەتتەۋ، ءوزارا سەنىمدىلىك، ءوزارا تيىمدىلىك جەتكىزۋ، ءوزارا كومەكتەسۋ، جوعارى ساپالى دامۋ ارقىلى وسىزاماندانۋدى بىرگە ىلگەرىلەتۋ“ سىندى ”جۇڭگو — ورتا ازيا“ رۋحىن ورتاعا قويىپ، جۇڭگو مەن ورتا ازيانىڭ ۇرپاقتان – ۇرپاققا جالعاسقان دوستىق سەلبەستىگىنە ماڭىزدى باعدار نۇسقاعان بولاتىن. وسى رەتكى تالقى مىنبەرىنىڭ ماقساتى جۇڭگو — ورتا ازيا باسشىلار كەڭەسىنىڭ، شاڭحاي سەلبەستىك ۇيىمىنىڭ تيانجيندەگى باسشىلار كەڭەسىنىڭ، دۇنيە جۇزىلىك ايەلدەر باسشىلارى كەڭەسىنىڭ ماڭىزدى جەتىستىكتەرىن تياناقتاندىرۋ. ج ك پ 20 – كەزەكتى ورتالىق كوميتەتى ءتورتىنشى جالپى ءماجىلىسى الداعى بەس جىلداعى دامۋعا جوبا دايىندادى، سونىمەن بىرگە، ورتا ازياداعى مەملەكەتتەرگە اناعۇرلىم كوپ دامۋ ورايىن ازىرلەدى. ءبىز بۇكىل الەمدىك ءتورت زور دارىپتەمەنى تياناقتاندىرىپ، ساياسي جاقتاعى ءوزارا سەنىمدىلىكتى ۇزدىكسىز بەكەمدەۋىمىز؛ ”ءبىر بەلدەۋ، ءبىر جولدى“ تىزە قوسا بىرگە كوركەيتۋىمىز؛ حاۋىپسىزدىك جاعىنداعى سەلبەستىكتى جالپى بەتتىك تەرەڭدەتۋىمىز؛ گۋمانيتارلىق اۋىس – كۇيىستى شىنايى ىلگەرىلەتۋىمىز كەرەك.

تالقى مىنبەرى «”جۇڭگو — ورتا ازيا رۋحىن“ ساۋلەلەندىرىپ، بىرگە وسىزاماندانۋدى ىلگەرىلەتۋدى» باستى تاقىرىپ ەتىپ، «ءۇرىمجى دارىپتەمەسىن» جاريالادى.

كەلۋ قاينارى: حالىق تورابى