شينجياڭ مۇراجايى وسەك – اياڭعا تويتارىس بەرۋ ۇقتىرۋىن شىعاردى!

جۋىردا ينتەرنەتتە ”شينجياڭ مۇراجايى قىزمەتكەر قابىلدايدى ەكەن“ دەگەن اقپارات تارالعان، اقپاراتتىڭ مازمۇنى ەڭبەكاقى جانە قوسىمشا يگىلىك تۇرلەرى، قىزمەت ۋاقىتى جانە قىزمەتكەر قابىلداۋ شارتى قاتارلىلاردى قامتىعان. وسى جونىندە شينجياڭ ۇيعۇر اۆتونوميالى رايوندىق مۇراجاي مىناداي قاتاڭ مالىمدەمە شىعارعان:

ءبىرىنشى، اتالعان ينفورماتسيا تۇگەلدەي جالعان. شينجياڭ ۇيعۇر اۆتونوميالى رايوندىق مۇراجاي ەشقاشان ەشقانداي ادامعا نەمەسە ءۇشىنشى جاق قۇرىلىمعا قىزمەتكەر قابىلداۋ تۋرالى مۇنداي ۇقتىرۋ شىعارۋدى اماناتتاماعان، ەشقاشان دا ”قىزمەتتەن ەشقاشان بوساتىلمايدى“، ”ەشقانداي تاجىريبەسىنىڭ بولۋىن قاجەت ەتپەيدى“ دەگەن سياقتى ءىسورىنعا اشىق تۇردە قىزمەتكەر قابىلداۋ بەلگىلەمەسىنە ساي كەلمەيتىن قىزمەت ورىندارىن دايىنداماعان.

ەكىنشى، شينجياڭ ۇيعۇر اۆتونوميالى رايوندىق مۇراجايدىڭ اشىق تۇردە قىزمەتكەر قابىلداۋ قىزمەتى تۇگەلدەي اۆتونوميالى رايوننىڭ ءىسورىندارعا اشىق تۇردە قىزمەتكەر قابىلداۋ بەلگىلەمەسى بويىنشا قاتاڭ اتقارىلادى، شينجياڭ ۇيعۇر اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ رەسمي تورابىندا (http://rst.xinjiang.gov.cn)، شينجياڭ ۇيعۇر اۆتونوميالى رايوندىق مادەنيەت جانە ساياحات مەڭگەرمەسىنىڭ رەسمي تورابىندا (http://wlt.xinjiang.gov.cn)، سونداي – اق، اتالعان مۇراجايدىڭ رەسمي ۋيشين تەكشەسى قاتارلى ارنالاردا ءبىر تۇتاس ۇقتىرۋ شىعارىلادى، قىزمەتكەر قابىلداۋ ءتارتىبى جاريا، ءادىل، ادىلەتتى بولىپ، قوعامداعىلاردىڭ باقىلاۋىن قابىلدايدى.

ءۇشىنشى، قوعامداعى جۇرتشىلىقتىڭ قىراعىلىقتى ارتتىرىپ، قىزمەتكەر قابىلداۋ تۋرالى رەسمي ارنالاردا جاريالانباعان ۇقتىرۋلارعا سەنبەۋىن، الدانىپ قالۋدان اباي بولۋىن ەسكەرتەمىز. ەگەر كۇماندى جاعداي بايقالسا، مۇراجايىمىزبەن حابارلاسىپ انىق – قانىعىن بىلۋىڭىزگە بولادى (حابارلاسۋ تەلەفونى: 0991-4534453).

ءتورتىنشى، شينجياڭ ۇيعۇر اۆتونوميالى رايوندىق مۇراجايدىڭ اتىن جامىلىپ جالعان ينفورماتسيا جولداپ، مۇراجايىمىزدىڭ بەدەلىنە نۇقسان جەتكىزگەن ءارقانداي زاڭعا قايشى ارەكەتتەردىڭ زاڭدىق جاۋاپكەرشىلىگىن زاڭ بويىنشا قۋزاستىرۋعا مۇراجايىمىزدىڭ ۇقىعى بار.

وسى جونىندە ەرەكشە مالىمدەمە شىعارىلدى.

شينجياڭ ۇيعۇر اۆتونوميالى رايوندىق مۇراجاي

2025 – جىلى 11 – ايدىڭ 7 – كۇنى

كەلۋ قاينارى: حالىق تورابى