بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.11.10 16:02 كەلۋ قاينارى : حالىق تورابى
6 - كەزەكتى جۇڭگو اۋىل شارۋاشىلىعىندا سۋ ۇنەمدەۋ جانە اۋىل - قىستاقتى سۋمەن قامداۋ تەحنيكاسىن دامىتۋ تالقى مىنبەرى جانە 2024 — 2025 – جىلعى (10 - كەزەكتى) جۇڭگو اۋىل شارۋاشىلىق سۋ ۇنەمدەۋ عىلىم - تەحنيكا سيلىعىن تاراتۋ جينالىسى 11 - ايدىڭ 8 - كۇنى گۋاڭجوۋ قالاسىندا وتكىزىلدى. شينجياڭ اۋىل شارۋاشىلىق داشۋەسىنىڭ پروفەسسورى ۋاڭ جىنحۋاعا ”قۋاڭ وڭىردە سۋ ۇنەمدەپ سۋارۋ نازارياسى تەحنيكاسى جانە شەشۋشى جابدىقتارى“ سالاسىنا قوسقان كورنەكتى ۇلەسى ءۇشىن 2024 — 2025 - جىلعى (10 - كەزەكتى) جۇڭگو اۋىل شارۋاشىلىق سۋ ۇنەمدەۋ عىلىم - تەحنيكا سيلىعىنىڭ جەكەلەر تابىس سيلىعىن (عىلىم - تەحنيكا دارىندىلارى سيلىعى) بەردى، سونىمەن وسى جىلى باتىس سولتۇستىك رايونداعى بىردەن – ءبىر وسى ەرەكشە داڭققا يە بولعان عىلىم - تەحنيكا قىزمەتكەرىنە اينالدى.
ۋاڭ جىنحۋا پروفەسسور قۋاڭ ءوڭىردىڭ سۋ ۇنەمدەپ سۋارۋ نازارياسى مەن تەحنيكاسىن زەرتتەۋ قىزمەتىمەن ۇزاق ۋاقىت شۇعىلدانىپ، قۋاڭ وڭىردەگى سۋ بايلىعى تاپشى بولۋ جانە اۋىل شارۋاشىلىعىنىڭ باياندى دامۋى سىندى مەملەكەتتىڭ كەلەلى قاجەتىنە باعىتتاي وتىرىپ، جاسىل القاپتاعى اۋىل شارۋاشىلىعىندا سۋ ۇنەمدەپ سۋارۋ مەن سورتاڭ جەرلەردى وڭاۋداعى كورنەكتى ماسەلەلەردى شوعىرلاندىرىپ، عىلىمي زەرتتەۋ ۇيىرمەلەرىن باستاپ، دەن قويا قامال الدى، كولەمدەنگەن، ۇزاق ۋاقىت تامشىلاتىپ سۋارىلاتىن ەگىس اتىزدارىنىڭ سورتاڭدانۋ زاڭدىلىعى مەن جالپىلىق رەتتەۋ - مەڭگەرۋ نازارياسى مەن تەحنيكاسى، تامشىلاتىپ سۋارىلاتىن داقىلداردى، سۋ مەن تىڭايتقىشتى، تۇزدى سايكەستى تىزگىندەۋ نازارياسى مەن جاڭاشا تامشىلاتىپ سۋارۋدىڭ شەشۋشى جابدىقتارىن اشۋ سياقتى جاقتاردا ءبىرقىدىرۋ ماڭىزدى تابىستارعا قول جەتكىزدى.
كەلۋ قاينارى: حالىق تورابى
