نيدەرلاندتىڭ ءبىر باعىمشىلىق الاڭىندا قۇس تۇماۋى تارالىپ، 120 مىڭ ءۇي قۇسىن ءولتىردى

شينحۋا اگەنتتىگىنىڭ 11 – ايدىڭ 8 – كۇنى گااگادان بەرگەن حابارى. نيدەرلاندتىڭ اۋىل شارۋاشىلىعى، بالىق شارۋاشىلىعى، استىق حاۋىپسىزدىگى جانە تابيعات مينيسترلىگى 11 – ايدىڭ 7 – كۇنى كەشتە ءبىر مالىمدەمەسىندە بىلاي دەدى: وسى ەلدىڭ فريسلان ولكەسىندەگى ءبىر جۇمىرتقالىق تاۋىق باعىمشىلىق فەرماسىنان ىندەت قوزدىرۋى كۇشتى قۇس تۇماۋى ناۋقاسىنا شالدىققاندار بايقالدى. قۇس تۇماۋىنىڭ تارالۋىنان ساقتانۋ ءۇشىن، وسى مينيسترلىكتىڭ قاراستىلىعىنداعى نيدەرلاندتىڭ ازىق - تۇلىك جانە تۇتىنۋ بۇيىمدارى حاۋىپسىزدىگى مەكەمەسى وسى باعىمشىلىق الاڭىنداعى 120 مىڭ ءۇي قۇسىن ولتىرگەن.

مالىمدەمەدە بىلاي دەلىندى: جۇقپالى اۋرۋلاردان ساقتانۋ بەلگىلەمەسىنە ساي، ىندەتكە ساياتىن باعىمشىلىق الاڭىنىڭ توڭىرەگىندەگى 10 كيلومەتر اۋماقتا تاسىمالداۋعا تيىم سالۋ بۇيرىعىن دەرەۋ ىسكە قوسىپ، وسى وڭىردەن ءۇي قۇستارىن، جۇمىرتقانى، ازىقتىق جۇمىرتقاسىن تاسىمالداۋعا تيىم سالىنادى، ءارى قۇس ساڭعىرىعىن، توسەنىش ماتەريالدارىن، سونداي ـ اق قۇس باعۋ كاسىپورىندارىنان كەلگەن باسقا دا حايۋاناتتار مەن حايۋانات ونىمدەرىن تاسىمالداۋعا تيىم سالىنادى.

مالىمدەمەدە تاعى بىلاي دەلىندى: ىندەتكە ساياتىن باعىمشىلىق الاڭىنىڭ توڭىرەگىندەگى ءبىر كيلومەتر اۋماقتا تاعى ءبىر باعىمشىلىق فەرماسى بار، قازىر ۆيرۋستان ۇلگى الدى ءارى 14 كۇن باقىلاۋ ـ تەكسەرۋدى كۇشەيتەدى، 3 كيلومەتر كولەمدەگى باسقا 3 باعىمشىلىق الاڭى ىندەتتەن ساقتانۋ بويىنشا تەكسەرۋ جۇرگىزەدى. مالىمدەمەدە ايتىلۋىنشا، ىندەتكە ساياتىن باعىمشىلىق الاڭىنىڭ توڭىرەگىندەگى 10 كيلومەتر اۋماقتا 27 ساۋدالىق باعىمشىلىق الاڭى بار.

كەلۋ قاينارى: حالىق تورابى