وسى اپتادا بۇكىل شينجياڭنىڭ كوپ جەرىندە تاعى ەكى رەت سۋىق اعىس بولادى

11 – ايدىڭ 10 – كۇنى ءتىلشىنىڭ شينجياڭ اۋا رايى ستانسياسىنان ۇعىسۋىنشا، وسى اپتادا (11 - ايدىڭ 10 - كۇنىنەن 16 - كۇنىنە دەيىن) بۇكىل شينجياڭدا ەكى رەت كۇشتى سۋىق اعىس بولادى، سولتۇستىك شينجياڭنىڭ كوپ جەرىندە قار جاۋىپ، بوران سوعىپ، تەمپەراتۋرا تومەندەيدى، تيانشاننىڭ سولتۇستىك بوكتەرىندەگى ءىشىنارا جەرلەردە تۇمان تۇسەدى. شينجياڭ اۋا رايى ستانسياسى جاۋىن – شاشىننىڭ، بوران سوعۋدىڭ، تەمپەراتۋرانىڭ تومەندەۋىنىڭ قۇرىلعىلى اۋىل شارۋاشىلىعى مەن مال شارۋاشىلىق وندىرىسىنە ءتيىمسىز ىقپال جاسايتىندىعىن، قاتىستى تاراۋلاردىڭ الدىن الا ساقتانۋ مەن قىزمەت وتەۋدى جاقسى ىستەۋىن ەسكەرتتى.

الدىن الا مالىمەتتە كورسەتىلۋىنشە، 11 - ايدىڭ 10 - كۇنى كۇندىزدەن 11 - كۇنى كۇندىزگە دەيىن سولتۇستىك شينجياڭنىڭ باتىس بولەگى مەن سولتۇستىك بولەگىندەگى ءىشىنارا رايونداردا جاڭبىر جاۋادى، جاڭبىر ارالاس قار جاۋادى نەمەسە قار جاۋادى، مۇنىڭ ىشىندە ىلە اڭعارىنداعى تاۋلى رايوندار، تارباعاتاي ايماعىنىڭ سولتۇستىك بولەگىندەگى تاۋلى رايوندار، التاي ايماعىنىڭ سولتۇستىك بولەگى مەن شىعىس بولەكتەگى تاۋلى رايونداردىڭ ءىشىنارا جەرلەرىندە ورتاشادان باستاپ قالىڭ قار جاۋادى، ءىشىنارا رايونداردا ەرەكشە قالىڭ قار جاۋادى. جوعارىدا ايتىلعان رايونداردا ءبىر ۋاقىتتا باتىس سولتۇستىكتەن 5 بال اينالاسىندا جەل سوعادى، جەل وتىندەگى جەل كۇشى 9 دا 10 بالعا جەتەدى، اۋا تەمپەراتۋراسى دا ىلەسە تومەندەيدى.

11 – ايدىڭ 12 – كۇنى تۇننەن 14 ـ كۇنى تۇنگە دەيىن، ىلە – شالا ەكىنشى رەتكى سۋىق اعىس بولادى، سولتۇستىك شينجياڭنىڭ باسىم كوپ بولىگى مەن قۇمىل قالاسىنىڭ سولتۇستىگىندەگى ءىشىنارا وڭىرلەردە قار، جاڭبىر جاۋادى، ىلە اڭعارى، بۇراتالا موڭعۇل اۆتونوميالى وبلىسى، تارباعاتاي ايماعىنىڭ سولتۇستىگى، التاي ايماعى قاتارلى جەرلەردىڭ ءىشىنارا وڭىرلەرىندە ورتاشادان باستاپ قالىڭ قار جاۋادى، تاۋلى وڭىرلەردىڭ ءىشىنارا جەرلەرىندە قالىڭ قار جاۋادى. جوعارىداعى وڭىرلەر مەن تۇرپان قالاسىندا باتىس سولتۇستىكتەن ىلگەرىندى - كەيىندى 6 بال اينالاسىندا بوران سوعادى، جەل وتىندەگى جەل كۇشى 11 دە 12 بالعا جەتىپ، اۋا تەمپەراتۋراسى ءۇرتىس تومەندەيدى.

11 - ايدىڭ 15 - كۇنى تۇننەن 16 - كۇنىنە دەيىن، اۋا رايى جاعدايىندا بۇرىلىس بولىپ، تارباعاتاي ايماعىنىڭ سولتۇستىك بولەگى، التاي ايماعى، ءۇرىمجى قالاسى قاتارلى جەرلەردە قيىس شىعىستان 5 بال اينالاسىندا جەل سوعادى، تارباعاتايدىڭ سارعۋسىن، التايدىڭ نوقاي جەلى رايونى، ءۇرىمجىنىڭ ۇلانباي قاتارلى جەل وتتەرىندە مەزەتتىك وتكىنشى جەل كۇشى 9 دا 10 بالعا جەتەدى، ءىشىنارا جەرلەردە قارلى بوران سوعادى. سونىمەن بىرگە، تارباعاتاي ايماعىنىڭ وڭتۇستىك بولەگى، قارامايلى قالاسى، ءۇرىمجى قالاسى قاتارلى تيانشاننىڭ سولتۇستىك بوكتەرىندەگى وڭىرلەردە ۇزدىك - سوزدىق بۇلتتى تۇمان پايدا بولىپ، كورۋ دارەجەسىنە ىقپال جاسايدى. باسقا ۋاقىتتاردا بۇكىل شينجياڭنىڭ باسىم كوپ جەرىندە نەگىزىنەن كۇن اشىق نەمەسە بۇلتتى بولادى، جەل كۇشى زور بولمايدى.

كەلۋ قاينارى: حالىق تورابى