ساقتانۋعا كوڭىل بولىڭىزدەر! ەلىمىزدىڭ بارلىق جەرى تۇگەلدەي جۇقپالى تۇماۋ كوپ تارالاتىن مەزگىلگە قادام تاستادى 

مەملەكەتتىك اۋرۋدىڭ الدىن الۋ جانە ونى تىزگىندەۋ مەڭگەرمەسى 11 – ايدىڭ 10 – كۇنى اقپار جاريالاۋ ءماجىلىسىن اشىپ، كۇز بەن قىس مەزگىلىندەگى شۇعىل تىنىس جولى قابىنۋ اۋرۋىنان ساقتانۋ جانە ونى تىزگىندەۋ جاعدايىن تانىستىردى. مامانداردىڭ تانىستىرۋىنشا، قازىر ەلىمىزدىڭ بارلىق جەرى تۇگەلدەي جۇقپالى تۇماۋ كوپ تارالاتىن مەزگىلگە قادام تاستاعان، جۇقپالى تۇماۋدىڭ تارالۋى كورنەكتى جيىلەگەن ءارى جالپى تۇلعالىق جاقتان وڭتۇستىكتەگى وڭىرلەردە سولتۇستىكتەگى وڭىرلەردەن كوپ بولۋ اۋقىمى بايقالعان.

جۇقپالى تۇماۋ ۆيرۋسى مەجەمەن بيىل قىس پەن كەلەسى جىلعى كوكتەمدە ەلىمىزدەگى تىنىس جولى جۇقپالى اۋرۋلارىن تۋىنداتاتىن باستى اۋرۋ قوزدىرعىش سانالادى. جۇقپالى تۇماۋدان سىرت، باسقا كوپ ءتۇرلى شۇعىل تىنىس جولىندىق اۋرۋ قوزدىرعىشتاردىڭ دا تارالۋ حاۋپى بار. شۇعىل تىنىس جولى جۇقپالى اۋرۋىنا شالدىقتىراتىن اۋرۋ قوزدىرعىشتاردى تەكسەرۋ ناتيجەسىنە قاراعاندا، قازىر شۇعىل تىنىس جولى جۇقپالى اۋرۋى جالپى تۇلعالىق جاقتان جيىلەۋ بەتالىسىن بايقاتقان. جۇقپالى تۇماۋ ۆيرۋسى، مۇرىن ۆيرۋسى، تىنىس جولى بىرىككەن كلەتكالى ۆيرۋسى — تىنىس جولىنىڭ شۇعىل جۇعىمدالۋىن تۋىنداتاتىن باستى اۋرۋ قوزدىرعىشتار. قازىرگى كەزەڭدە، انىقتالعان اۋرۋ قوزدىرعىشتاردىڭ بارلىعى بۇرىننان بەلگىلى اۋرۋ قوزدىرعىشتار، بەلگىسىز اۋرۋ قوزدىرعىشتار مەن ولار تۋىنداتقان جاڭا جۇقپالى اۋرۋلار بايقالماعان.

قىس پەن كوكتەم تىنىس جولى شۇعىل جۇقپالى اۋرۋلارى ءجيى تۋىلاتىن مەزگىل، ماسكىنى عىلىمي تاعۋ، قولدى ءجيى جۋۋ، ۇنەمى اۋا الماستىرۋ قاتارلى تاماشا تازالىق ادەتتەرىمىزدى ساقتاپ، ءوز دەنساۋلىعىمىزعا ءوزىمىز ءبىرىنشى جاۋاپتى ادام بولۋدى ويداعىداي ورىنداپ، دەر كەزىندە تەكسەرىلۋىمىز جانە ەمدەلۋىمىز، شيپاگەردىڭ ايتۋى بويىنشا ءدارى – دارمەكتەن حاۋىپسىز پايدالاۋىمىز قاجەت. ەگەر ماڭايىمىزدا تىنىس جولى جۇقپالى اۋرۋمەن جۇعىمدالعاندار بايقالسا، ولارمەن جاقىننان كەزدەسكەن كەزدە جەكەلىك ساقتىق شارالارىن ويداعىداي ىستەۋىمىز قاجەت. مۇنان سىرت، ۆاكسينانى ەكتىرۋ دە جۇقپالى اۋرۋدان ساقتانۋدىڭ ەڭ ءونىمدى، ەڭ ءتيىمدى ءتاسىلى، جۇقپالى تۇماۋدىڭ جيىلەۋىنە بايلانىستى، جۇقپالى تۇماۋ ۆاكسيناسىن ەكتىرمەگەن ۇيلەسىمدى جاستاعىلاردىڭ دەر كەزىندە ۆاكسينا ەكتىرگەنى ءجون. (باس ستانسيا ورتالىق تەلەۆيزيا ءتىلشىسى لۇڭ شياۋچين)

كەلۋ قاينارى: حالىق تورابى