مادەنيەت جانە ساياحات مينيسترلىگى جۇڭگولىق ساياحاتشىلارعا تاياۋدا جاپونياعا ساياحاتتاي بارماۋدى ەسكەرتتى

شينحۋا اگەنتتىگىنىڭ 11 – ايدىڭ 16 – كۇنى بەيجيڭنەن بەرگەن حابارى. مادەنيەت جانە ساياحات مينيسترلىگى 11 - ايدىڭ 16 - كۇنى حابار جاريالاپ، جۇڭگولىق ساياحاتشىلارعا تاياۋدا جاپونياعا ساياحاتتاي بارماۋدى ەسكەرتتى.

حاباردا بىلاي دەلىنگەن: بىرنەشە كۇننىڭ الدىندا سىرتقى ىستەر مينيسترلىگى ساپارعا شىعۋ ەسكەرتۋىن جاريالادى: بيىل جىل باسىنان بەرى جاپونيانىڭ قوعام اماندىعى تىنىش ەمەس، جۇڭگو ازاماتتارىنا قاراتىلعان زاڭعا قايشى قىلمىستىق دەلولار كوپ تۋىلدى، جاپونيادا جۇڭگو ازاماتتارى كوپ رەت شابۋىلعا ۇشىرادى، كەيبىر دەلولار ءالى كۇنگە انىقتالمادى، جۇڭگو ازاماتتارىنىڭ جاپونياداعى حاۋىپسىزدىك ورتاسى ۇزدىكسىز ناشارلادى. تاياۋدا، جاپونيا باسشىلارى تايۋانعا ساياتىن اشىق ارانداتۋشىلىق ءسوز سويلەپ، جۇڭگو مەن جاپونيا ادامدارىنىڭ اۋىس ـ ءتۇيىس جاعدايىن اۋىر دارەجەدە ۋشىقتىرىپ، جاپونياداعى جۇڭگو ازاماتتارىنىڭ باس اماندىعى مەن ومىرىنە اۋىر حاۋىپ ءتوندىردى.

مادەنيەت جانە ساياحات مينيسترلىگى جۇڭگولىق ساياحاتشىلارعا تاياۋدا جاپونياعا ساياحاتتاي بارماۋدى، جاپونياداعى جۇڭگولىق ساياحاتشىلارعا جەرگىلىكتى ورىننىڭ اماندىق جاعدايىنا قاداعالاي نازار اۋدارۋدى، حاۋىپسىزدىك ساقتىق تانىمىن جوعارىلاتىپ، ءوزىن قورعاۋدى كۇشەيتۋدى، ەگەر شۇعىل جاعدايعا تاپ بولسا دەر كەزىندە ساقشىعا مالىمدەپ، جاپونيادا تۇراتىن ەلشىحانامەن، كونسۋلحانالارمەن بايلانىس جاساپ، كومەك سۇراۋدى ەرەكشە ەسكەرتتى.

كەلۋ قاينارى: حالىق تورابى