12 جىلدىق جاتتىعۋدىڭ جەمىسى! شينجياڭنىڭ 100 مەترگە جۇگىرەتىن سپورتشىسى ەلحۇت مەملەكەتتىك سپورت جارىسىندا تاعى دا رەكورد جاڭالادى

11 – ايدىڭ 16 – كۇنى تۇستەن بۇرىن، گۋاڭدۇڭ وليمپيادا سپورت ورتالىعىندا 22 جاستاعى شينجياڭدىق جاس ساڭلاق ەلحۇت يساق ەرلەردىڭ 100 مەترگە جۇگىرۋ دايىندىق جارىسىندا 10.33 سەكۋندتىق تاماشا ناتيجە جاراتىپ، ءوزىنىڭ 7 – ايداعى شينجياڭدا جاراتقان رەكوردىن جاڭالادى، بۇل بولسا 12 جىلدان كەيىن شينجياڭنىڭ 100 مەترگە جۇگىرەتىن سپورتشىسىنىڭ مەملەكەتتىك سپورت جارىسىنىڭ الاڭىنان بوي كورسەتۋى.

”شينجياڭنىڭ 100 مەترگە جۇگىرۋى جونىنەن العاندا، بۇل ءبىر رەتكى كەلەلى تابىس بولدى. ونىڭ جەكەلىك ەرەكشەلىگىنە نەگىزدەلىپ، بۇل رەتكى مەملەكەتتىك سپورت جارىسىندا ءبىز ءتىپتى دە عىلىمي، جۇيەلى جاتتىعۋ ءتاسىلىن جاسادىق، اقىرىندا جارىس مايدانىندا تاماشا ىلگەرىلەۋشىلىك بولدى.“ جاتتىقتىرۋشى ءابدۋالي ابدۇقادىر بىلاي دەدى: ەلحۇتتىڭ بولعانى شينجياڭنىڭ قىسقا ارالىققا جۇگىرۋىنە شىت جاڭا ومىرشەڭدىك كۇش قوستى.

مەملەكەتتىك سپورت جارىسىنىڭ جارىس الاڭىندا 10.33 سەكۋندتىق ناتيجەگە تۇراقتانعاندا، شينجياڭنىڭ 100 مەترگە جۇگىرۋ رەكوردى جاڭالاندى، دەسە دە قۋانىش پەن اتتەگەن – اي قاتار بولدى — وسى جولى رەكورد جاڭالاعانىمەن، ول ەڭ سوڭىندا جارىستا 15 – قاتاردان ورىن الىپ، ازعانتاي پارىقپەن جارتىلاي شەشۋشى جارىسقا كىرە الماي قالدى. ”ءوز ناتيجەڭدى جاڭالادىڭ، سەن ءالى جاسسىڭ، وي سوقتى بولما، ءبارى دە ەڭ جاقسى ورنالاستىرۋ.“ اپەكەسى ونى شابىتتاندىرعان كەلتە حاتىندا وسىلاي دەدى.

مەملەكەتتىك سپورت جارىسىنا تۇڭعش رەت قاتىناسقان ەلحۇت جونىنەن العاندا بۇل سوڭعى كومبە بولعانىمەن، اسىرەسە تىڭ باستاما ىسپەتتى. ”مەن كوپتەگەن جاقتاردان ءوزىمدى ءالى دە جەتىلدىرۋىم كەرەك، مەن ءسوزسىز قۇلشىنامىن“ دەدى ول.

كەلۋ قاينارى: حالىق تورابى