عىلىمي ماقالالاردى زاڭ – تۇزىمگە قايشى ساۋدالايتىن ءبىر توپ تىركەلگىنى قاتاڭ جازالادى 

شينحۋا اگەنتتىگىنىڭ 11 – ايدىڭ 13 – كۇنى بەيجيڭنەن بەرگەن حابارى. ءتىلشىنىڭ 11 – ايدىڭ 13 – كۇنى ورتالىق ءتارتىپ تەكسەرۋ كوميتەتىنەن ۇعىسۋىنشا، جۋىردا ءىشىنارا ينتەرنەتتىك تىركەلگىلەر عىلىمي ماقالالاردى ساۋدالاۋ، باسقالاردىڭ اتىندا جاريالاۋ، باسقالاردىڭ اتىندا جۋرنالعا بەرۋ قاتارلى بەلگىلەمەگە قايشى قىزمەت وتەۋ تۇرلەرىمەن شۇعىلدانىپ، ينتەرنەت ءتارتىبىن اۋىر دارەجەدە ءبۇلدىرىپ، ينتەرنەت ەكولوگياسىن لاستاعان. ورتالىق ينتەرنەت حاۋىپسىزدىگى جانە ينفورماتسيالاندىرۋ كوميتەتى كەڭسەسى زاڭ – تۇزىمگە قايشىلىق جاساعان ءبىر توپ تىركەلگىنى زاڭ بويىنشا جازالاعان ءارى ءبىر ءبولىم تيپتىك دەلولار جونىندە اشىق حابارلاندىرۋ شىعارعان.

ءبىر ءبولىم تيپتىك دەلولار عىلىمي ماقالانى اشىق باعا قويىپ ساۋدالاۋ ارەكەتى، كورىلىم جيناۋ جانە شوعىر قۇرۋ ارقىلى عىلىمي ماقالالاردى ساۋدالاۋ ارەكەتى، ءمالىم تاقىرىپتار ارقىلى بەلگىلەمەگە قايشى قىزمەت وتەيتىنىن ءبىلدىرۋ ارەكەتى قاتارلىلاردى قامتيدى. مۇنىڭ ىشىندە، ”چيرۇيپاي ماقالا تۋرالى كەڭەسى“، ”سۋسۋ مۇعالىمنىڭ ماقالا تۋرالى جەتەكشىلىك ەتۋ جانە كەڭەس بەرۋى“ قاتارلى تىركەلگىلەر ”وقۋ ءبىتىرۋ ماقالاسى تۋرالى كۇنى بويى شۇعىل قىزمەت وتەيمىز“، ”ماقالا جازىپ بەرەمىز“، ”وقۋ بىتىرۋشىلەرگە جەتەكشىلىك ەتەمىز“ دەگەن سياقتى سوزدەردەن پايدالانىپ وزدەرىن ۇگىتتەگەن ءارى ساۋدالارىن وتىمدىلەندىرگەن، اشىق باعا قويۋ ارقىلى عىلىمي ماقالانى ساۋدالاۋ، باسقالاردىڭ اتىنان شىعارىپ بەرۋ، باسقالاردىڭ اتىنان جۋرنالعا بەرۋ قاتارلى قىزمەت وتەۋ تۇرلەرىمەن شۇعىلدانعان؛ ”سىتۋدىڭ شارۋاشىلىق قۇرۋ جايلى سوزدەرى“، ”گۋانزىنىڭ ەستەلىگى“ قاتارلى ينتەرنەتتىك تىركەلگىلەر ” AI ارقىلى ماقالا جازىپ بەرۋ قىزمەتى جونىندە ساۋداگەر شاقىرۋ“، ”ماقالا جازۋمەن قوسىمشا شۇعىلدانۋشىلاردى جۇمىسقا قابىلداۋ“ قاتارلى تاقىرىپتاردى جاريالاپ، قىسقاشا تانىستىرۋ، ءوزارا تالقىلاۋ قاتارلى تۇيىندەر بارىسىندا عىلىمي ماقالانى ساۋدالاۋ، باسقالاردىڭ اتىندا جاريالاۋ، باسقالاردىڭ اتىندا جۋرنالعا بەرۋ قاتارلى قىزمەتتەرمەن شۇعىلداناتىنىن بىلدىرگەن. قاتىستى تىركەلگىلەر زاڭ بويىنشا توقتاتىلعان.

كەلۋ قايناى: حالىق تورابى