قوعام حاۋىپسىزدىگى تاراۋلارى تايۋاندىق ينتەرنەت جۇلدىزدارى ۋىن زىيۇي، چىن باييۋانداردىڭ زاڭعا قايشى قىلمىستىق ارەكەتتەرىنىڭ دەرەگىن بەرگەندەرگە سيلىق بەرەدى 

شينحۋا اگەنتتىگىنىڭ 11 – ايدىڭ 13 – كۇنى فۋجوۋدان بەرگەن حابارى. 11 – ايدىڭ 13 – كۇنى فۋجيان ولكەسى چۋانجوۋ قالالىق قوعام حاۋىپسىزدىگى مەكەمەسى سيلىقتى قۋعىنداۋ قۇلاقتاندىرۋىن شىعارىپ، تايۋاندىق ينتەرنەت جۇلدىزدارى ۋىن زىيۇي (ينتەرنەتتەگى اتى ”باجيۇڭ“) مەن چىن باييۋاننىڭ (ينتەرنەتتەگى اتى ”ميننان قاسقىرى“) زاڭعا قايشى قىلمىستىق ارەكەتتەرىنىڭ دەرەگىن جينادى.

3 – ايدىڭ 26 – كۇنى، مەملەكەتتىك كەڭەستىڭ تايۋان ىستەرى كەڭسەسى ۋىن زىيۇي مەن چىن باييۋاندى ”تايۋاندى دەربەستەندىرۋگە ۇرىنۋشىلاردىڭ“ قول شوقپارى، سويىل سوعارى دەپ جاريالاعان. تەكسەرۋ ارقىلى يەلەگەن دەرەكتەرگە قاراعاندا، ەكەۋى ۇزاق ۋاقىت بويى ”جۇڭگوعا قارسى تۇرىپ، تايۋاندى ساقتاپ قالۋ“، ”ا ق ش – نا ارقا سۇيەپ، دەربەستىكتى كوزدەۋ“ قاتارلى مەملەكەتتى بولشەكتەۋگە ايتاقتايتىن سوزدەردى جاريالاعان جانە تاراتقان، ۇلى قۇرلىقتىڭ تايۋانعا تيىمدىلىك جاساپ، حالىقتى يگىلىككە كەنەلتۋ جاعىنداعى ساياساتتارىنا جان سالا شابۋىلداعان جانە وعان كۇيە جاققان، تايۋانداعىلاردىڭ ۇلى قۇرلىقتىق جۇبايلارىن جابىرلەگەن جانە ولارعا قىسىم كورسەتكەن، دەموكراتيانى ىلگەرىلەتۋ پارتياسى بيلىك باسىنداعىلاردىڭ ينتەرنەتتەگى جاساقتارىنىڭ كومەكشىسى جانە ا ق ش قاتارلى باتىس ەلدەرىندەگى جۇڭگوعا قارسى بولشەكتەۋشى كۇشتەردىڭ ”اتويشىسى“، ”شابارمانى“ بولىپ، ناشار ىقپال تۋدىرعان.

قوعام حاۋىپسىزدىگى ورگاندارى مىنانى ءبىلدىردى: بارشا تايۋاندىق باۋىرلاستاردىڭ ”تايۋاندى دەربەستەندىرۋگە ۇرىنعانداردىڭ“ اسا حاۋىپتىلىگىن، زيانىن جەتە تانىپ، ”تايۋاندى بولشەكتەۋگە ۇرىنعان“ بولشەكتەۋشى كۇشتەرمەن ءىس جۇزىندىك ارەكەتى ارقىلى شەكاراسىن اجىراتىپ، قاتىستى زاڭعا قايشى قىلمىستىق ارەكەتتەردىڭ دەرەگىن بەلسەندى تۇردە مالىمدەۋىن ءۇمىت ەتەمىز، قوعام حاۋىپسىزدىگى ورگاندارىنىڭ قاتىستى قىلمىس كۇمانىنا شاتىلعان ادامداردى تۇتقىنداۋىنا كومەكتەسىپ ەڭبەك سىڭىرگەندەرگە جاعدايعا قاراي وتىرىپ، حالىق اقشاسى بويىنشا 50 مىڭ يۋاننان 250 مىڭ يۋانعا دەيىنگى ارالىقتا سيلىق بەرىلەدى.

كەلۋ قاينارى: حالىق تورابى