جۇڭگو فيليپپين حالقىنا شۇعىل كومەك بەرەدى 

جۇڭگونىڭ فيليپپيندە تۇراتىن باس ەلشىلىگى تورابىنىڭ حابارلاۋىنشا، جۇڭگو جاق فيليپييندە تۋىلعان تايفىڭ داۋىلى اپاتىنا ۇشىراعان فيليپپين حالقىنا ادامگەرشىلىك تۇرعىسىنان شۇعىل كومەك بەرەدى.

جۋىردا فيليپپيننىڭ كوپ جەرى تايفىڭ داۋىلىنا ۇشىراپ، ادام ءولىم – ءجىتىمى مەن مال – مۇلىكتىڭ زياندالۋ جاعدايى اۋىر بولدى. جۇڭگونىڭ فيليپپيندە تۇراتىن باس ەلشىلىگى قازا بولعاندارعا ازا ءبىلدىرىپ، قازا بولعانداردىڭ وتباسىنداعىلاردان، جارالانعانداردان جانە اپات تۋىلعان جەردەگى جۇرتشىلىقتان حال سۇرادى. اپات تۋىلعان سوڭ، جۇڭگوداعى قاتىستى ولكەلەر، فيليپپيندەگى جۇڭگو قارجىسىنداعى كاسىپورىندار، حۋارىندار مەن حۋاچياۋلار دەرەۋ فيليپپيندەگى اپات تۋىلعان جەردەگى حالىققا كومەك قولىن سوزدى. ادامگەرشىلىك جانە فيليپپين حالقىمەن بولعان دوستىق تۇرعىسىنان جۇڭگو فيليپپين حالقىنا ناق اقشا تۇرىندە جانە زاتتاي شۇعىل كومەك كورسەتەدى. اپات تۋىلعان جەردەگى جۇرتشىلىقتىڭ قيىنشىلىقتى ەرتەرەك جەڭىپ، اتا – مەكەندەرىن قايتا گۇلدەندىرۋىن تىلەيمىز.

كەلۋ قاينارى: حالىق تورابى