سىرتقى ىستەر مينيسترلىگى: جاپونيانى تايۋان ماسەلەسىندە بايقاپ سويلەپ، ابايلاپ ىستەۋگە قاتاڭ قۋزايمىز

11 – ايدىڭ 12 – كۇنى، سىرتقى ىستەر مينيسترلىگىنىڭ مالىمدەمەشىسى گو جياكۇن كەزەكتى تىلشىلەر جينالىسىن باسقاردى. ءبىر ءتىلشى بىلاي دەپ سۇرادى: حابارعا قاراعاندا، 11 – ايدىڭ 11 – كۇنى، جاپونيا ۇكىمەتى كۇزگى وردەن ۇسىنۋ سالتىن وتكىزگەن. جۇڭگو جاق بۇعان قانداي باعا بەرەدى؟

گو جياكۇن بىلاي دەدى: جۇڭگو وسىدان بۇرىن وسى ماسەلە جونىندەگى مايدانىن بايىمدادى. جاپونيا ۇكىمەتىنىڭ ”تايۋاندى دەربەستەندىرۋدى“ كوزدەۋ ءپاتۋاسىن ۋاعىزداۋشىلارعا وردەن بەرۋدى قاسارىسا ۇسىنىس ەتۋى جانە جەبەۋى جاپونيانىڭ تايۋانعا ساياتىن ماسەلەلەردەگى تاعى ءبىر قاتە ارەكەتى، جۇڭگو بۇعان باتىل قارسى تۇرادى.

تايۋان ماسەلەسى — جۇڭگونىڭ وزەكتى مۇددەسىنىڭ وزەگى، جۇڭگو - جاپونيا قاتىناسىنىڭ ساياسي نەگىزىنە جانە جاپونيانىڭ نەگىزگى سەنىمىنە قاتىستى، اتتاپ وتۋگە بولمايتىن قىزىل سىزىق. بيىل جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە ءجۇزىنىڭ فاشيزمگە قارسى سوعىسى جەڭىسكە جەتكەندىگىنىڭ 80 جىلدىعى، سونداي - اق تايۋاننىڭ قالپىنا كەلگەندىگىنىڭ 80 جىلدىعى. جۇڭگو جاق جاپونيا جاقتى تاريحي قىلمىس جاۋاپكەرشىلىگىنەن تەرەڭ ساباق الىپ، جۇڭگو مەن جاپونيانىڭ 4 ساياسي قۇجاتىنىڭ قاتىستى پرينسيبى مەن رۋحىنا بويسۇنىپ، ءىس جۇزىندىك ارەكەتى ارقىلى ءبىر جۇڭگو پرينسيبىنە تاباندى بولۋ ۋادەسىن ايگىلەپ، تايۋان ماسەلەسىندە بايقاپ سويلەپ، ابايلاپ ىستەپ، ”تايۋاندى دەربەستەندىرۋدى“ كوزدەيتىن بولشەكتەۋشى كۇشتەرگە ءارقانداي قاتە سيگنال بەرۋدى توقتاتۋعا قاتاڭ قۋزايدى.

كەلۋ قاينارى: حالىق تورابى