ەلىمىز بويىنشا ەڭ ۇلكەن گاز ساقتاۋ قويماسىنان بيىل قىستا گاز الۋ باستالدى

شينحۋا اگەنتتىگىنىڭ ءتىلشىسى گۋ يۇي 11 – ايدىڭ 11 – كۇنى ۇرىمجىدەن حابارلايدى. ەلىمىزدەگى ەڭ ءىرى گاز ساقتاۋ قويماسى — جۇڭگو مۇناي سەرىكتەستىگى شينجياڭ مۇناي الابى قۇتىبي گاز ساقتاۋ قويماسىنان 11 – ايدىڭ 10 – كۇنى 13 – اينالىمدا گاز الۋ قىزمەتى رەسمي باستالدى، وسى ارقىلى بيىل قىس پەن كەلەر جىلعى كوكتەمدە تابيعي گازبەن قامداۋعا كۇش سالا كەپىلدىك ەتىلەدى.

تيانشان تاۋىنىڭ سولتۇستىك بوكتەرىندەگى قۇتىبي گاز ساقتاۋ قويماسىنداعى گاز مولشەرى 10 ميلليارد تەكشە مەتردەن اسادى، باتىستىڭ گازىن شىعىسقا جەتكىزۋ ەكىنشى جەلىسىندەگى تۇڭعىش گاز ساقتاۋ قويماسى سانالادى، باتىستىڭ گازىن شىعىسقا جەتكىزۋ قۇبىر تورىنىڭ گازبەن قامداۋىن ماۋسىمدىق رەتتەۋ، شۇعىل جاعدايدا گازبەن قامداۋ، سونداي – اق، سولتۇستىك شينجياڭداعى وڭىرلەردەگى گازبەن قامداۋدى ماۋسىمدىق رەتتەۋ سىندى قوس بىردەي رولدى اتقارىپ، سىرتقا شىعارعان تابيعي گازى ءۇرىمجى، سانجى قاتارلى سولتۇستىك شينجياڭداعى قالالاردىڭ گازدەن پايدالانۋ قاجەتىن قامتاماسىزداندىرىپ قالماستان، بەيجيڭ، شاڭحاي قاتارلى باتىستىڭ گازىن شىعىسقا جەتكىزۋ لەنياسىنىڭ بويىنداعى قالالارعا دا جەتكىزىلەدى.

جۇڭگو مۇناي سەرىكتەستىگى شينجياڭ مۇناي الابى گاز ساقتاۋ شەكتى سەرىكتەستىگى شوعىرلاندىرۋ پۋنكتىنىڭ باستىعى جي كاڭنىڭ تانىستىرۋىنشا، بيىلعى گازدى شوعىرلاندىرۋ مەزگىلىندە، قۇتىبي گاز ساقتاۋ قويماسى ساقتاۋعا ءتيىستى گازدى تۇگەلدەي ساقتاۋ، كوبىرەك ساقتاۋعا كۇش سالۋ پرينسيبى بويىنشا، 10 ميلليارد تەكشە مەتردەن استام تابيعي گازدى ساقتاۋ مىندەتىن ورىنداعان، بۇل تاريحتاعى ەڭ جوعارى ورەگە جەتىپ، بيىل قىس پەن كەلەر جىلعى كوكتەمدە تابيعي گازبەن قامداۋعا زور مۇمكىندىك سيلاعان.

كەلۋ قاينارى: حالىق تورابى