شينجياڭدىق بويجەتكەن 24 – كەزەكتى توكيو ەستۋ كەمىستىگى بارلاردىڭ جازعى وليمپيادا جارىسىنا قاتىناساتىن جۇڭگو ۋاكىلدەر ۇيىرمەسىنە كىردى

11 – ايدىڭ 14 – كۇنى، ءتىلشىنىڭ شينجياڭ ۇيعۇر اۆتونوميالى رايوندىق مۇگەدەكتەر بىرلەستىگىنەن ۇعىسۋىنشا، 25 - كەزەكتى توكيو ەستۋ كەمىستىگى بارلاردىڭ جازعى وليمپيادا سپورت جارىسىنىڭ جۇڭگو دەنە تاربيە ۋاكىلدەر ۇيىرمەسى رەسمي قۇرىلعان، شينجياڭدىق بويجەتكەن اتيگۇل ساۋىت جۇڭگو ۋاكىلدەر ۇيىرمەسىنە كىرگەن.

24 – كەزەكتى توكيو ەستۋ كەمىستىگى بارلاردىڭ جازعى وليمپيادا جارىسى — وسى ايدىڭ 15 - كۇنىنەن 26 - كۇنىنە دەيىن وتكىزىلەدى، 70 نەشە مەملەكەت پەن رايوننان كەلگەن 3000 داي سپورتشى 21 جارىس تۇرىنە قاتىناسادى. جۇڭگو دەنە تاربيە ۋاكىلدەر ۇيىرمەسى 157 ادامنان قۇرالعان.

اتيگۇل ساۋىت بيىل 24 جاستا. 2019 – جىلى ونى شينجياڭ مۇگەدەكتەر جەڭىل اتلەتيكا اترەتىنىڭ باستىعى، باس جاتتىقتىرۋشىسى جاۋ شيانجۇڭ بايقاپ، جەڭىل اتلەتيكا جاتتىعۋىمەن شۇعىلدانا باستايدى. 2021 – جىلى 2 جىل عانا جاتتىققان ول 11 ـ كەزەكتى مەملەكەتتىك مۇگەدەكتەر سپورت جارىسىندا ەستۋ كەمىستىگى بارلار گرۋپپاسىنىڭ ايەلدەر تىزبەكتى دوبىنىڭ قولا مەدالىن الدى. 2023 – جىلى شينجياڭ ۇيعۇر اۆتونوميالى رايوندىق 7 - كەزەكتى مۇگەدەكتەر دەنە تاربيە جارىسىندا جانە 4 - كەزەكتى ەرەكشە وليمپيادا جارىسىندا شويىن دوپ لاقتىرۋ تۇرىنەن التىن مەدال، دەسكا لاقتىرۋ تۇرىنەن كۇمىس مەدال، نايزا لاقتىرۋ تۇرىنەن قولا مەدال الادى.

كەلۋ قاينارى: حالىق تورابى