ەسكەرتۋ! شينجياڭدا وسى تەكتەس زاڭعا قايشى ارەكەتتەر شوعىرلى تۇردە جونگە سالىنادى

11 – ايدىڭ 11 – كۇنىنەن 11 - ايدىڭ 23 – كۇنىنە دەيىن، شينجياڭ قوعام حاۋىپسىزدىگى قاتىناس باسقارۋ تاراۋلارى اراق ءىشىپ اۆتوموبيل جۇرگىزۋ، ماس بولىپ اۆتوموبيل جۇرگىزۋ قاتارلى زاڭعا قايشى ارەكەتتەردى شوعىرلى تۇردە جونگە سالۋ ارەكەتىن ءبىرتۇتاس ورىستەتەدى.

وسى رەتكى شوعىرلى تۇردە جونگە سالۋ ارەكەتى بارىسىندا ءار كۇنى ساعات 22 دەن كەلەسى كۇنى ساعات 8 گە دەيىنگى ارالىققا نازاردى شوعىرلاندىرىپ، قالالارداعى اس – سۋ جانە كوڭىل اشۋ ورىندارىنىڭ ماڭىنداعى جولداردا، قالاعا كىرىپ – شىعاتىن ماڭىزدى جولداردا، سونداي – اق، اۋىل – قسىتاقتار مەن قالا – قالاشىقتارداعى بازارلاردىڭ، شارۋالار شاتتىعى ساياجايلارىنىڭ ماڭىنداعى جولداردا اراق ءىشۋ سەبەبىنەن تۋىنداعان قاتىناس شىرعالاڭى وڭاي تۋىلاتىن، ءجيى تۋىلاتىن تۇيىندەر مەن جول بولىكتەرىنە دالمە – ءدال تەكسەرۋ جۇرگىزۋگە كۇش سالادى. جونگە سالۋ مەزگىلىندە، شينجياڭداعى قوعام حاۋىپسىزدىگى قاتىناستى باسقارۋ تاراۋلارى تەكسەرۋ – باقىلاۋ ورىندارىن ورنالاستىرۋدى يكەمدى تۇردە جاقسارتىپ، قارقىندى شەكتەن اسىرۋ، مولشەردەن ارتىق ادام وتىرعىزۋ، تاسىمال اۆتوموبيلىنىڭ شوفەرىنىڭ حاۋىپسىزدىك بەلبەۋىن تاقپاۋى، مولشەردەن ارتىق جۇك تيەۋى، شارشاعان كۇيدە اۆتوموبيل جۇرگىزۋى قاتارلى وڭاي شىرعالاڭ تۋدىراتىن زاڭعا قايشى ارەكەتتەردى قاتاڭ تەكسەرىپ، جولداعى جالپى باسقارۋ – تەجەۋ ونىمدىلىگىن جوعارىلاتادى.

ارەكەت مەزگىلىندە، شينجياڭ قوعام حاۋىپسىزدىگى قاتىناس باسقارۋ تاراۋلارى تيپتىك دەلولاردى ءجيى جاريالاپ، اراق ءىشىپ اۆتوموبيل جۇرگىزۋ مەن ماس بولىپ اۆتوموبيل جۇرگىزۋدىڭ زيانىن جانە زاڭدىق جاقتاعى زاردابىن كەڭ كولەمدە ۇگىتتەپ، پارمەندى، قاتاڭ باسقارۋ تەبىنىن قالىپتاستىرادى؛ سونىمەن بىرگە، دالمە – ءدال اقپارات جولداۋ ارقىلى شىرعالاڭ تۋدىرۋ قاتەرى جوعارى ادامدارعا جانە ”كۋالىكسىز شوفەرلەرگە“ (شوفەرلىك كۋالىگى قايتارىپ الىنعان نەمەسە ۋاقىتشا ۇستاپ قالىنعان شوفەرلەر) دالمە – ءدال ەسكەرتۋ جانە تاربيە بەرىپ، ”زاڭعا قايشىلىق جاساۋعا باتىلى بارمايتىن، زاڭعا قايشىلىق جاساي المايتىن“ قاتىناس حاۋىپسىزدىگى اۋقىمىن كۇش سالا قالىپتاستىرادى.

كەلۋ قاينارى: حالىق تورابى