كۇنميڭ كەدەنىنە قاراستى رۇيلي كەدەنى جالقاۋ مايمىلدىڭ دەنەسىنەن جاسالعان بۇيىمنان 105 گرامىن انىقتاپ قولعا ءتۇسىردى

جۋىردا كۇنميڭ كەدەنىنە قاراستى رۇيلي كەدەنى جالقاۋ مايمىلدىڭ دەنەسىنەن جاسالعان بۇيىمنان 105 گرامىن انىقتاپ قولعا تۇسىرگەن.

رۇيلي كەدەنىنىڭ قىزمەتكەرى رۇيلي وتكەلىندە شەكارادان كىرگەندەردى باقىلاۋ – باسقارۋ جانە تەكسەرۋ بارىسىندا، ءبىر جولاۋشىنىڭ ابىرجىپ تۇرعانىن بايقايدى، تەكسەرۋ بارىسىندا بۇل جولاۋشىنىڭ وزىمەن بىرگە الىپ جۇرگەن جۇكتەرىنىڭ اراسىنان جالقاۋ مايمىلدىڭ باس سۇيەگى مەن ىشكى مۇشەلەرى سياقتى حايۋاناتتىڭ دەنەسىنەن جاسالعان بۇيىمداردى بايقايدى، بۇل بۇيىمداردىڭ سالماعى 105 گرام بولىپ شىعادى. ساراپتاۋعا قاراعاندا، بۇل بۇيىمدار پريماتتارعا جاتاتىن جالقاۋ مايمىلدىڭ دەنەسىنەن جاسالعان بۇيىمدار ەكەن.

جالقاۋ مايمىل «تۇقىمى قۇرۋعا اينالعان جابايى حايۋاناتتار مەن وسىمدىكتەردى حالىقارادا ساۋدالاۋ شارتىنداعى» (CITES) قوسىمشا Ⅰ قۇجاتىنا ەنگىزىلگەن قورعالاتىن حايۋانات، مەملەكەتتىك 1 – دارەجەلى قورعالاتىن جابايى حايۋانات. قازىر اتالعان ىسكە اكىمشىلىك جاقتان دەلو تۇرعىزىلىپ تەكسەرۋ جۇرگىزىلۋدە.

كەدەن مەكەمەسى ەسكەرتەدى: «تۇقىمى قۇرۋعا اينالعان حايۋاناتتار مەن وسىمدىكتەردى حالىقارادا ساۋدالاۋ شارتى» مەن «جۇڭحۋا حالىق رەسپۋبليكاسىنىڭ جابايى حايۋاناتتاردى قورعاۋ شارتى» قاتارلى بەلگىلەمەرگە ساي، «يمپورت – ەكسپورت ەتۋگە رۇقسات بەرۋ كۋالىگىن» العان ءارى بەلگىلەمە بويىنشا كەدەننەن وتكىزۋ رەسميەتىن وتكىزگەن جاعدايدان سىرت، ءپىل ءتىسى قاتارلى تۇقىمى قۇرۋعا اينالعان جابايى حايۋاناتتار مەن وسىمدىكتەردى جانە ولاردىڭ دەنەسىنەن جاسالعان بۇيىمداردى ساۋدالاۋ، الىپ ءجۇرۋ، پوچتادان جولداۋ تاسىلدەرى ارقىلى شەكارادان كىرگىزۋگە تيىم سالىنادى، زاردابى اۋىر بولىپ قىلمىس قالىپتاستىرعانداردىڭ قىلمىستىق ىستەر جاۋاپكەرشىلىگى زاڭ بويىنشا قۋزاستىرىلادى.

كەلۋ قاينارى: حالىق تورابى