سىرتقى ىستەر مينيسترلىگى: جۇڭگو جاق تايلاند پەن كامبودجا ەكى جاقتىڭ ۇستامدى بولىپ، ءبىر باعىتتا ءجۇرۋىن شىنايى ءۇمىت ەتەمىز

شينحۋا اگەنتتىگىنىڭ 11 - ايدىڭ 13 – كۇنى بەيجيڭنەن بەرگەن حابارى. سىرتقى ىستەر مينيسترلىگىنىڭ مالىمدەمەشىسى لين جيان 11 - ايدىڭ 13 - كۇنى بىلاي دەدى: تايلاند پەن كامبودجانىڭ دوسى جانە جاقىن كورشىسى رەتىندە، جۇڭگو جاق تايلاند پەن كامبودجا ەكى جاقتىڭ ۇستامدى بولىپ، ءبىر باعىتتا ءجۇرۋىن، جاعدايدىڭ ۋشىعۋىنان ساقتانۋىن شىنايى ءۇمىت ەتەدى.

سول كۇنگى كەزەكتى تىلشىلەر جينالىسىندا ءبىر ءتىلشى بىلاي دەپ سۇراۋ قويدى: حابارعا قاراعاندا، 11 – ايدىڭ 10 – كۇنى تايلاند اسكەرى تايلاند – كامبودجا شەكارا رايونىندا مينا ءتۇسىپ جارالانعان، 11 – ايدىڭ 11 – كۇنى، تايلاند مەملەكەتتىك حاۋىپسىزدىك كوميتەتى شۇعىل ءماجىلىس اشىپ، تايلاند – كامبودجا بەيبىتشىلىك بىرلەسكەن مالىمدەمەسىن تياناقتاندىرۋدى ۋاقىتشا توقتاتاتىندىعىن جاريالاعان. 11 – ايدىڭ 12 – كۇنى تۇستەن كەيىن تايلاند اسكەرلەرى كامبودجانىڭ باندي ميجي ولكەسىندە وق شىعارىپ، كامبودجانىڭ بۇقاراسىنان ءولىم – ءجىتىم بولعان. جۇڭگو جاق بۇعان قانداي پىكىر بىلدىرەدى؟

”جۇڭگو جاق تايلاند – كامبودجا بىرلەسكەن مالىمدەمەسىنىڭ تياناقتانۋى بارىسىندا جارىققا شىققان كەيبىر جاڭا جاعدايلارعا، جاڭا ماسەلەلەرگە نازار اۋداردى.“ لين جيان بىلاي دەدى: تايلاند پەن كامبودجانىڭ دوسى جانە كورشىسى رەتىندە، جۇڭگو جاق تايلاند پەن كامبودجا ەكى جاقتىڭ ۇستامدى بولىپ، ءبىر باعىتتا ءجۇرىپ، دوستىق تۇرعىدان كەڭەسۋگە تاباندى بولىپ، قازىرگى ەكى جاقتى مەحانيزمنىڭ رولىن ساۋلەلەندىرىپ، ەكى جاق تا قابىلداي الاتىن شەشۋ ءادىسىن تەز ارادا تاۋىپ، جاعدايدىڭ ۋشىعۋىنان ساقتانۋدى شىنايى ءۇمىت ەتەدى. جۇڭگو جاق ۇزدىكسىز ءوز تاسىلىمەن جاعدايدى باسەڭدەتۋدە سىندارلى رول اتقارادى.

كەلۋ قاينارى: حالىق تورابى