قاتىستى فيلم ەكسپورت ەتەتىن ورىندار مەن تاراتۋشى جاقتار راستادى: جاپونيادان يمپورت ەتىلگەن فيلمدەردى قويۋ ۋاقىتشا توقتاتىلادى

«لابي شياۋشين: چۇنرىبۋدىڭ جالىندى بيشىلەرى»، «قىزمەت كلەتكاسى» قاتارلى جاپونيادان يمپورت ەتىلگەن فيلمدەردى قويۋ ۋاقىتشا توقتاتىلادى. ءتىلشىنىڭ فيلمدى يمپورت ەتۋشى جاقپەن جانە تاراتۋشى جاقپەن حابارلاسىپ راستاۋىنشا، وسى رەتكى رەتتەۋ جاپونيادان يمپورت ەتىلگەن فيلمدەردىڭ بازارداعى جان – جاقتى جاعدايى مەن ەلىمىز كورەرمەندەرىنىڭ كوڭىل – كۇيىن ساراپتاي وتىرىپ بايىپتىلىقپەن جاسالعان شەشىم.

وسىنىڭ الدىندا، قۋىرشاق فيلم «الباستىنى جويعان قانجار: شەكسىز قالا تاراۋى ءبىرىنشى تارماق ءيت ۇياسى شوقجۇلدىزىنا قايتا شابۋىلداۋ» قويىلعان سوڭ، IP توپتاعان جانكۇيەرلەرگە ارقا سۇيەي وتىرىپ، العاشقى مەرزىمدەگى قويىلىمى جاقسى ناتيجە جاراتقان. الايدا، جاپونيانىڭ باس ءۋازىرى گاۋشى زاۋمياۋ قاتە كوزقاراسىن جاريالاعان سوڭ، دەرەۋ بارشا جۇڭگولىق كورەرمەندەردىڭ قاتاڭ نارازىلىعىنا ۇشىراعان. گاۋشى زاۋمياۋدىڭ ساندىراعىنىڭ كەسىرىنەن، جاپونيانىڭ قۋىرشاق فيلمى قويىلعان سوڭ ءۇش كۇن وتكەندە قويىلم كىرىسى كورنەكتى تۇردە تومەندەگەن، كورەرمەندەردىڭ قىزۋ ىنتاسى تەز ارادا باسىلعان. قازىر قويىلعانىنا بەس كۇن بولعاندا بەلەت كىرىسى 20 ميلليون يۋان اينالاسىنا تومەندەدى دەگەن بولجام جاسالدى.

وسىنداي جاعدايدا، ءاسىلى جۋىردا قويىلاتىن بولعان جاپونيانىڭ فيلمدەرى جونىندە قاتىستى يمپورت ەتۋشى جاقتار مەن تاراتۋشى جاقتاردىڭ ايتۋىنشا، جاپونيا جاقتىڭ ارانداتۋ سيپاتىنداعى سوزدەرى جۇڭگو كورەرمەندەرىنىڭ جاپونيانىڭ فيلمىن كورۋىنە اسەر جاسايتىنى داۋسىز. قاتىستى جاقتار بازاردىڭ زاڭدىلىعىنا بويسۇنىپ، كورەرمەندەردىڭ قالاۋىنا قۇرمەت ەتىپ، بۇل فيلمدەردى قويۋدى ۋاقىتشا توقتاتا تۇرۋدى ۇيعارعان.

11 – ايدىڭ 16 – كۇنىنە دەيىن، بيىل جۇڭگونىڭ ىشكى ولكەلەرىندەگى كينوفيلمدەردىڭ بەلەت نارقى 45 ميلليارد 543 ميلليون يۋان بولىپ، دۇنيە ءجۇزى بويىنشا ەكىنشى ورىنداعى كينو بازارى ورنىن ورنىقتى ساقتاعان. مۇنىڭ ىشىندە، وتاندىق فيلمدەردىڭ بەلەت نارقى 40 ميلليارد 298 ميلليون يۋان بولىپ، سالىستىرماسى %88.48 كە جەتكەن. بيىل دا جۇڭگونىڭ كينوفيلم تاريحىنداعى وتاندىق فيلمدەردىڭ بەلەت نارقى ءۇشىنشى رەت 40 ميلليارد يۋاندىق ءىرى بەلەستەن اسقان جىل بولدى.

كەلۋ قاينارى: حالىق تورابى