جاڭادان اۋە جەلىسى اشىلدى! شينجياڭعا توتە قاتىنادى!

11 – ايدىڭ 12 – كۇنى، چاڭلۇڭ اۆياتسياسىنىڭ GJ8082 كەزەكشى ۇشاعى التاي شۋەدۋ اۋەجايىنا ءساتتى قوندى، بۇل حاڭجوۋدان التايعا توتە ۇشاتىن اۋە جولىنىڭ تۇڭعىش رەتكى ۇشۋ مىندەتىن ءساتتى ورىنداعاندىعىن كورسەتەدى. تولىقتاي جاڭادان اشىلعان جاڭا اۋە جەلىسىنىڭ ىسكە قوسىلۋى — چاڭجياڭنىڭ وڭتۇستىك ءوڭىرى مەن سولتۇستىك شينجياڭداعى التاي ايماعى اراسىنداعى اۋە قاتىناسىندا قامال بۇزىپ، ەكى جەردەگى جولاۋشىلاردىڭ ءجۇرىس ـ تۇرىسىنا، فاكتور اينالىمىنا جانە ساياحات بايلىعىنان ءوزارا يگىلىكتەنۋگە جوعارى ءونىمدى، قولايلى ”كەڭىستىك كوپىرىن“ ازىرلەدى.

ۇعىسۋعا قاراعاندا، بۇل اۋە جەلىسىن چاڭلۇڭ اۆياتسياسى جۇرگىزەدى، كەزەكشى ۇشاق ءنومىرى GJ8081 جانە GJ8082 بولىپ، اپتاسىنا 4 كەزەك بارىپ ـ كەلۋ مىندەتىن اتقارادى، كەزەكشى ۇشاق ءار اپتانىڭ دۇيسەنبى، سارسەنبى، جۇما، جەكسەنبى كۇندەرى قاتىنايدى، سونىمەن ەكى جەر اراسىندا كۇنبە - كۇن بارىپ - كەلۋدى ىسكە اسىردى.

بيىل جىل باسىنان بەرى، اۋە جەلىسى تورابىنىڭ ۇزدىكسىز كەمەلدەنۋىنە بايلانىستى وڭىرلىك قاتىناستىڭ ومىرشەڭدىك كۇشى ءونىمدى بولدى. قازىرگە دەيىن التاي شۋەدۋ اۋەجايىنىڭ جولاۋشى قابىلداۋ ـ جونەلتۋ مولشەرى 970 مىڭ ادام ـ رەتكە جەتىپ، جوعارى ءونىمدى، قولايلى اۋە تاسىمالى قىزمەت وتەۋى التاي ايماعىنىڭ ەكونوميكاسىنىڭ، قوعامىنىڭ جوعارى ساپالى دامۋىنا بەرىك قاتىناس تىرەگىن ازىرلەدى.

كەلۋ قاينارى: حالىق تورابى