شينجياڭدا ءبىر جەر مىندەتتى وقۋ – اعارتۋ كەزەڭىندە كوكتەمگى، كۇزگى دەمالىس ءتۇزىمىن اتقارماقشى، ناقتى ۋاقىتى جاريالاندى

ىلە توعىسپالى مەديا ورتالىعىنىڭ ەڭ جاڭا مالىمەتىنە قاراعاندا، ىلە قازاق اۆتونوميالى وبلىسى مىندەتتى وقۋ – اعارتۋ كەزەڭىندەگى مەكتەپتەردە 2025 — 2026 – جىلعى وقۋ ماۋسىمىندا كوكتەمگى، كۇزگى دەمالىس ءتۇزىمىن اتقارماقشى، جاي ورتا مەكتەپتەر ءىس جۇزىندىك جاعدايىنا قاراي ءوزى تۇراقتاندىرادى.

مۇنىڭ ىشىندە، كۇزگى دەمالىس ەكى رەت، ناقتى ۋاقىتى 2025 – جىلى 11 – ايدىڭ 28 – كۇنىنە (ءبىر قىزمەت كۇنى) 11 – ايدىڭ 29 – كۇنىن، 11 – ايدىڭ 30 – كۇنىن (سەنبى، جەكسەنبى) قوسىپ، 3 كۇندىك دەمالىس ورنالاستىرىلادى؛ 2026 – جىلى 1 – ايدىڭ 4 – كۇنىن، 1 – ايدىڭ 5 – كۇنىن (2 قىزمەت كۇنى) جاڭا جىل دەمالىسىمەن (1 – ايدىڭ 1 – كۇنى، 2 – كۇنى، 3 – كۇنى) قوسىپ، 5 كۇندىك دەمالىس ورنالاستىرىلادى.

كوكتەمگى دەمالىستىڭ ناقتى ۋاقىتى: 2026 – جىلى چيڭميڭ مەرەكەسىنەن كەيىنگى 2 قىزمەت كۇنى (2026 – جىلى 4 – ايدىڭ 7 – كۇنى، 4 – ايدىڭ 8 – كۇنى) چيڭميڭ مەرەكەسىنىڭ دەمالىسىمەن (4 – ايدىڭ 4 – كۇنى، 4 - ايدىڭ 5 – كۇنى، 4 - ايدىڭ 6 – كۇنى) قوسىلىپ، 5 كۇندىك دەمالىس ورنالاستىرىلادى.

ۇعىسۋعا قاراعاندا، ىلە وبلىسى شينجياڭداعى ايماق، وبلىس، قالالار ىشىندە ءۇرىمجى قالاسى مەن التاي ايماعىنان كەيىن ءۇشىنشى بولىپ كوكتەمگى دەمالىس قاتارلى دەمالىس بەرىلەتىنىن رەسمي جاريالاعان.

مۇنىڭ ىشىندە، ءۇرىمجى قالاسىنداعى ءارقايسى مەكتەپتەردە بيىلدان باستاپ كوكتەمگى دەمالىس، قار دەمالىسى ءتۇزىمى سىناق رەتىندە اتقارىلادى، 4 – ايدىڭ 28 – كۇنىنەن 4 – ايدىڭ 30 – كۇنىنە دەيىن كوكتەمگى دەمالىس، 12 – ايدىڭ 1 – كۇنىنەن 12 – ايدىڭ 5 – كۇنىنە دەيىن قار دەمالىسى؛ التاي ايماعىنداعى مىندەتتى وقۋ – اعارتۋ كەزەڭىندەگى مەكتەپتەردە 2025 – جىلى قار دەمالىسى سىناق رەتىندە اتقارىلادى، دەمالىسقا تاراتۋ ۋاقىتى 12 – ايدىڭ 1 – كۇنىنەن 5 – كۇنىنە دەيىن.

كەلۋ قاينارى: حالىق تورابى