ەڭبەك توقتامى جاسالماعان بولسا، ارادا ەڭبەك قارىم – قاتىناسى قالىپتاسپاي ما؟

ەڭبەك توقتامى جاسالماعان بولسا، ارادا ەڭبەك قارىم – قاتىناسى قالىپتاسپاي ما؟ ادام كۇشى بايلىعى جانە قوعامدىق قامتاماسىزداندىرۋ مينيسترلىگى 11 – ايدىڭ 19 – كۇنى رەسمي ۋيشين تەكشەسى ارقىلى وسى سۇراۋعا جاۋاپ قايتاردى.

جاۋاپ: ولاي بولمايدى. «ەڭبەك قارىم – قاتىناسىنىڭ قالىپتاسۋىن تۇراقتاندىرۋعا قاتىستى ىستەر جونىندەگى ۇقتىرۋدا» بىلاي دەپ بەلگىلەنگەن: ادام ىستەتۋشى ورىن ەڭبەكشىگە جۇمىس ىستەتكەن كەزدە جازباشا ەڭبەك توقتامىن جاساماعان بولسا، سونىمەن بىرگە مىناداي جاعدايلار ورىندالعان بولسا، ەڭبەك قارىم – قاتىناسى قالىپتاسقان سانالادى:

ءبىرىنشى، ادام ىستەتۋشى ورىن مەن ەڭبەكشى ەكەۋى زاڭ – تۇزىمدەردە بەلگىلەنگەن نەگىزگى تۇلعالىق تولىمدىلىققا ساي كەلەتىن بولسا؛

ەكىنشى، ادام ىستەتۋشى ورىن زاڭ بويىنشا بەلگىلەگەن ەڭبەككە قاتىستى ءتۇرلى تۇزىمدەرى ەڭبەكشىگە ۇيلەسىمدى بولسا، ەڭبەكشى دە ادام ىستەتۋشى ورىننىڭ ەڭبەككە قاتىستى باسقارۋىن قابىلداپ، ادام ىستەتۋشى ورىن ورنالاستىرعان ەڭبەكاقىلى ەڭبەكپەن شۇعىلدانعان بولسا؛

ءۇشىنشى، ەڭبەكشىنىڭ ىستەگەن ەڭبەگى ادام ىستەتۋشى ورىننىڭ جۇمىسىنىڭ قۇرامداس بولىگى بولسا.

كەلۋ قاينارى: حالىق تورابى