سىرتقى ىستەر مينيسترلىگى: جاپونيا جاق جۇڭگو حالقىنا، ءسوز جوق، ايقىن جاۋاپ بەرۋى كەرەك

11 – ايدىڭ 18 – كۇنى، سىرتقى ىستەر مينيسترلىگىنىڭ مالىمدەمەشىسى ماۋ نيڭ كەزەكتى تىلشىلەر جينالىسىن باسقاردى. ورتالىق تەلەۆيزياسىنىڭ ءتىلشىسى بىلاي دەپ سۇرادى: تاياۋدا جۇڭگو جاق جاپونيانىڭ باس ءۋازىرى گاۋشى زاۋمياۋدىڭ تايۋانعا ساياتىن قاتە سوزدەرىنە تويتارىس بەردى، كەيبىر شولۋشىلار جۇڭگو - جاپونيا قارىم ـ قاتىناسى تاياۋ جىلداردان بەرگى ەڭ تومەنگى دەڭگەيگە قاراي قۇلدىراۋدا دەپ قارادى. مالىمدەمەشى جۇڭگو - جاپونيا قاتىناسىنىڭ الداعى بەتالىسىنا قالاي قارايدى؟

بۇل جونىندە ماۋ نيڭ بىلاي دەدى: جۇڭگو - جاپونيا قاتىناسىنداعى قازىرگى جاعدايدىڭ جارىققا شىعۋىنىڭ قاينارى جاپونيانىڭ باس ءۋازىرى گاۋشى زاۋمياۋدىڭ تايۋانعا ساياتىن قاتە سوزدەردى اشىقتان - اشىق جاريالاپ، جۇڭگونىڭ ىشكى ىسىنە دورەكىلىكپەن كيلىگىپ، ءبىر جۇڭگو پرينسيبى مەن جۇڭگو – جاپونيا ءتورت ساياسي قۇجاتىنىڭ رۋحىنا اۋىر قايشىلىق جاساپ، جۇڭگو - جاپونيا قاتىناسىنىڭ ساياسي نەگىزىن بۇلدىرگەندىگىندە. جۇڭگو جاقتىڭ وزەكتى مۇددەنى، حالىقارالىق ادىلدىكتى قورعاۋ تۇرعىسى تيتتەي دە وزگەرگەن جوق. جاپونيا جاق، ءسوز جوق، قاتە سوزدەرىن دەرۋ قايتارىپ الىپ، تەرەڭدەي ساراپقا سالىپ، ساياسي باعىتىن وزگەرتۋى، جۇڭگو حالقىنا ايقىن جاۋاپ بەرۋى كەرەك.

كەلۋ قاينارى: حالىق تورابى