وسى اپتادا بۇكىل شينجياڭنىڭ كوپ جەرىندە كۇن اشىق بولادى   اپتا سوڭىندا سۋىق اعىس كەلىپ جاۋىن – شاشىن بولادى

ءتىلشىنىڭ 11 ـ ايدىڭ 17 ـ كۇنى شينجياڭ اۋا رايى ستانسياسىنان ۇعىسۋىنشا، مەجەمەن وسى اپتادا (11 – ايدىڭ 17 – كۇنىنەن 23 – كۇنىنە دەيىن) بۇكىل شينجياڭنىڭ باسىم كوپ جەرىندە اۋا رايى اشىق بولادى، اپتا سوڭىندا ءبىر رەت سۋىق اعىس ءجۇرىپ، سولتۇستىك شينجياڭ مەن قۇمىل قالاسىندا جاۋىن – شاشىن بولادى، تەمپەراتۋرا تومەندەيدى، قاتىناستىڭ، ەگىن، مال شارۋاشىلىعىنا، سونداي - اق جۇرتشىلىقتىڭ ءجۇرىس – تۇرىسىنا بولاتىن ءتيىمسىز ىقپالداردىڭ الدىن الۋعا كوڭىل ءبولۋ كەرەك.

الدىن الا مالىمەتتە كورسەتىلۋىنشە، 11 - ايدىڭ 22 - كۇنىنەن 23 - كۇنىنە دەيىن، ءالسىز سۋىق اعىستىڭ ىقپالىنان سولتۇستىك شينجياڭنىڭ باسىم كوپ بولەگىندە جانە قۇمىل قالاسىنىڭ سولتۇستىگىندە باتىستان شىعىسقا قاراي جاڭبىر نەمەسە جاڭبىر ارالاس قار جاۋادى. ىلە اڭعارىنىڭ شىعىسىنداعى تاۋلى رايوندار، تارباعاتاي ايماعىنىڭ سولتۇستىك بولەگى، التاي ايماعىنىڭ باتىس بولەگى، سانجى وبلىسىنىڭ شىعىس بولەگى، قۇمىل قالاسىنىڭ سولتۇستىك بولەگى قاتارلى جەرلەردىڭ ءىشىنارا وڭىرلەرىندە ورتاشادان باستاپ قالىڭ قار جاۋادى، تاۋلى وڭىرلەردىڭ ءىشىنارا جەرلەرىندە قالىڭ قار جاۋادى. قاردىڭ جاۋۋىنا بايلانىستى، سولتۇستىك شينجياڭنىڭ سولتۇستىگى مەن شىعىس شينجياڭدا باتىس سولتۇستىكتەن 5 بال اينالاسىندا جەل سوعادى، جەل وتىندەگى جەل كۇشى 9 دا 10 بالعا جەتەدى، ءىشىنارا جەرلەردە قارلى بوران سوعادى. سولتۇستىك شينجياڭنىڭ سولتۇستىگى مەن شىعىس بولەگىنىڭ ەڭ تومەن تەمپەراتۋراسى 5 سەلتسي گرادۋس اينالاسىندا تومەندەيدى.

شينجياڭ اۋا رايى ستانسياسى مىنانى ەسكەرتتى: وسى رەتكى اۋا رايى بارىسىندا سولتۇستىك شينجياڭنىڭ باتىس بولەگىندەگى، سولتۇستىك بولەگىندەگى ءىشىنارا وڭىرلەردە كوپ مولشەردە قالىڭ جاۋادى، جولعا مۇز قاتىپ، وڭاي تاياتىن جاعدايلار تۋىلادى، قاتىناس، ساياحات، ەلەكتر قۋاتى جانە قالا اينالىمى قاتارلىلارعا ءبىرشاما زور ىقپال جاسايدى. ەگىن، مال شارۋاشىلىق رايوندارىنىڭ قۇرىلعىلى اۋىل شارۋاشىلىعى مەن مال شارۋاشىلىعىنىڭ جەلدەن، قاردان ساقتانۋ جانە جىلۋ ساقتاۋ قىزمەتىن الدىن الا جاقسى ىستەۋىن ۇسىنىس ەتەمىز. جۇرت اۋا رايىنان الدىن – الا بەرىلگەن مالىمەتكە نازار اۋدارىپ، ءجۇرىس - تۇرىستى ۇيلەسىمدى ورنالاستىرىپ، سۋىقتان ساقتانىپ، جىلۋ ساقتاۋ مەن قاتىناس حاۋىپسىزدىگىنە كوڭىل ءبولۋى كەرەك.

كەلۋ قاينارى: حالىق تورابى