جۇڭگو ۋاكىلى: جاپونيانىڭ حاۋىپسىزدىك القالار كەڭەسىنە تۇراقتى مۇشە مەملەكەت بولۋدى تالاپ ەتۋگە مۇلدە تولىمدىلىعى جوق 

شينحۋا اگەنتتىگىنىڭ 11 – ايدىڭ 18 – كۇنى بىرلەسكەن مەملەكەتتەر ۇيىمىنان بەرگەن حابارى. جۇڭگونىڭ بىرلەسكەن مەملەكەتتەر ۇيىمىندا تۇراتىن ۋاكىلى فۋ سۇڭ 11 – ايدىڭ 18 – كۇنى بىرلەسكەن مەملەكەتتەر ۇيىمىنىڭ 80 – رەتكى ءماجىلىسىنىڭ جالپى ماجىلىسىندە حاۋىپسىزدىك القالار كەڭەسىنە رەفورما جاساۋ ماسەلەسىن قاراۋ بارىسىندا جاپونيانىڭ حاۋىپسىزدىك القالار كەڭەسىنە تۇراقتى مۇشە مەملەكەت بولۋدى تالاپ ەتۋگە مۇلدە تولىمدىلىعى جوق ەكەنىن ءبىلدىردى.

فۋ سۇڭ بىلاي دەدى: جاپونيانىڭ باس ءۋازىرى گاۋشى زاۋمياۋدىڭ تايۋانعا قاتىستى سوزدەرى وتە ورەسكەل قاتەلىك، وتە حاۋىپتى، جۇڭگونىڭ ىشكى ىستەرىنە دورەكىلىكپەن كيلىككەندىك، ءبىر جۇڭگو پرينسيبىنە جانە جۇڭگو مەن جاپونيا اراسىنداعى ءتورت رەتكى ساياسي قۇجاتتىڭ رۋحىنا اۋىر دارەجەدە قايشىلىق جاساعاندىق. بۇل حالىقارالىق ادىلدىككە سوقتىعۋ، سوعىستان كەيىنگى حالىقارالىق ءتارتىپتى ءبۇلدىرۋ، حالىقارالىق قارىم – قاتىناستاردىڭ نەگىزگى ولشەمىن اياققا تاپتاۋ، جاپونيانىڭ بەيبىت جولمەن جۇرەمىز دەگەن نەگىزگى ۋادەسىنە اشىقتان – اشىق قايشىلىق جاساعاندىق. مۇنداي مەملەكەتتىڭ حاۋىپسىزدىك القالار كەڭەسىنە تۇراقتى مۇشە مەملەكەت بولاتىن ەشقانداي تولىمدىلىعى جوق.

كەلۋ قاينارى: حالىق تورابى