شينجياڭدا تاعى ءبىر جەر قار دەمالىسىن بەرەتىنىن رەسمي جاريالادى! 9 كۇن دەمالۋعا بولادى

التاي ايماعى 2025 – جىلى 12 – ايدىڭ 1 – كۇنىنەن 5 – كۇنىنە دەيىن سول جەردەگى ورتا، باستاۋىش مەكتەپتەرگە تۇڭعىش رەت قار دەمالىسىن بەرەدى. 11 – ايدىڭ 29 – كۇنى، 11 – ايدىڭ 30 – كۇنى جانە 12 – ايدىڭ 6 – كۇنى، 12 – ايدىڭ 7 – كۇنى سەنبى، جەكسەنبى كۇندەرگە تۋرا كەلەتىندىكتەن، التاي ايماعىنداعى ورتا، باستاۋىش مەكتەپ وقۋشىلارى 9 كۇن دەمالا الادى.

وسى رەتكى قار دەمالىسى التاي ايماعىنىڭ مەملەكەت پەن اۆتونوميالى رايوننىڭ قار – مۇز ەكونوميكاسى مەن وقۋ – اعارتۋدى توعىستىرا دامىتۋ جونىندەگى شەشىمى مەن ورنالاستىرۋىن تياناقتاندىرۋ جاعىنداعى ماڭىزدى شاراسى، مۇنداعى ماقسات — جەرگىلىكتى ورىننىڭ ەلدەن ەرەكشە قار – مۇز بايلىعى ابزالدىلىعىن تولىق ساۋلەلەندىرىپ، ورتا، باستاۋىش مەكتەپ وقۋشىلارىنىڭ دەمالىس مەزگىلىندە ۇلى تابيعاتتى سەزىنىپ، مادەنيەتكە مۇراگەرلىك ەتىپ، دەنساۋلىعى مەن قاجىر – قايراتىن شىڭاۋىنا شارت – جاعداي جاراتۋ. ءۇرىمجى قالاسىنان كەيىن شينجياڭ بويىنشا ەكىنشى بولىپ قار دەمالىسىن بەرۋدى ورتاعا قويعان ايماق (وبلىس، قالا) رەتىندە، التاي ايماقتىق مادەنيەت – ساياحات تاراۋلارى ءتورت ءىرى شاڭعى الاڭىمەن، مادەنيەت سارايلارىمەن جانە قوناق ۇيلەرىمەن سەلبەسە وتىرىپ، شاڭعى تەبۋ، ءدامدى تاعامداردان ءلاززاتتانۋ، قونالقى، قاتىناس، مادەنيەت جانە دەنە تاربيە قيمىلدارى سىندى جاقتاردا ءبىرقىدىرۋ ارناۋلى تيىمدىلىكتەردى ورتاعا قويىپ، وقۋشىلاردىڭ قار – مۇز سالتاناتى بارىسىندا اتا – مەكەنىنىڭ باۋراعىش قۋاتىن سەزىنۋىنە شارت – جاعداي ازىرلەيدى.

شاڭعى تەبۋ جانە ءدامدى تاعامداردان ءلاززاتتانۋ جاعىنداعى تيىمدىلىكتەر. قار دەمالىسى مەزگىلىندە، التاي ايماعىنداعى ورتا، باستاۋىش مەكتەپ وقۋشىلارى ازاماتتىق كۋالىك، قوعامدىق قامتاماسىزداندىرۋ كۋالىگى، ەمدەۋ قامسىزداندىرى كۋالىگى جانە وقۋشىلىق كۋالىگى قاتارلىلار ارقىلى ءتورت ءىرى شاڭعى الاڭىندا تەگىن بەلەتپەن (شاڭعى تەبۋگە قاجەتتى جابدىقتار قامتىلمايدى) ءلاززاتتانۋ سىندى ارناۋلى تيىمدىلىكتەن يگىلىكتەنەدى. سونىمەن بىرگە، شاڭعى تەبۋگە قاجەتتى جابدىقتاردى جارىم باعادا مايلاي الادى، شاڭعى الاڭىنىڭ ىشىندە %85 تىك باعادا تاماقتانۋ، شاڭعى ۇيرەتۋشىلەردى %80 تىك باعامەن ۇسىنىس ەتۋ سىندى ەرەكشە ءتيىمدى شارالاردان يگىلىكتەنەدى. مۇنان سىرت، قىستىق لاگەر ونىمدەرىنە ماۋسىمدىق باعانىڭ جارىمى بويىنشا تيىمدىلىك جاسالادى، سونىمەن بىرگە، جارىم ساعات الەۋمەتتىك يگىلىك سيپاتىندا شاڭعى تەبۋدى ۇيرەتۋ ساباعىن (تىزىمدەلگەندەر 10 ادامنان اسقاندا ساباق باستالادى) ءوتىپ، شاڭعى تەبۋدى بىلمەيتىن وقۋشىلاردىڭ تەز ارادا ۇيرەنۋىنە كومەكتەسەدى. سونىمەن بىرگە، قاردا ويناۋعا قاجەتتى بۇيىمدارعا دا جارىم باعا اتقارىلادى.

قونالقى جاعىنداعى تيىمدىلىك. قار دەمالىسى مەزگىلىندە، گەنەرال تاۋى دەمالىس قوناق ءۇيى، كوكتوعاي فاڭحۋا . گۋشىلي قوناق ءۇيى، فاڭحۋا كىكى قوناق ءۇيى، جىكپەلەڭ قوم سانبايسو قوناق ءۇيى قاتارلى قوناق ۇيلەر التاي ايماعىنداعى وقۋشىلارعا كەلىسىمدەگى باعا بويىنشا %80 باعادا تيىمدىلىك جاسايدى، التاي قالاسىنا قاراستى وڭىردەگى ءبىر ءبولىم قوناق ۇيلەردە 220 يۋاندىق ەرەكشە باعاداعى بولمەلەردى دە تاڭداۋعا بولادى.

قاتىناس جاعىنداعى تيىمدىلىك. قار دەمالىسى مەزگىلىندە، وقۋشىلاردىڭ التاي قالاسىنداعى الەۋمەتتىك اۆتوبۋزدارعا تەگىن وتىرۋىنا بولادى.

مادەنيەت – دەنە تاربيە قيمىلدارى جاعىنداعى ءتيىمدى شارالار. قار دەمالىسى مەزگىلىندە، التاي ايماعىنداعى مادەنيەت سارايى، كىتاپحانا، مۇراجاي ”قارلى القاپتاعى بەرەكە . مادەنيەتپەن شينجياڭدى نارلەندىرۋ — التايدىڭ قار – مۇز مادەنيەتىنىڭ قۇپياسىن اشۋ“ نەگىزگى تاقىرىپتىق قيمىلىن ءبىر ۋاقىتتا ورىستەتەدى، وقۋشىلاردىڭ اتا – انالاردىڭ سەرىك بولۋىندا قاتىناسۋىنا بولادى.

كەلۋ قاينارى: حالىق تورابى