جاڭا وسىمدىك ءتۇرى! شينجياڭدا ”تيانشان فەيشۋە“ اتتى وسىمدىك ءتۇرى جەتىلدىرىلدى

مىنا گۇلدى تانيسىز با؟ بالكىم، بۇل سۇراۋدىڭ جاۋابىنا كوپ ادام سەنبەۋى مۇمكىن، بۇل شينجياڭنىڭ جۇپار ءشوبى، سونىمەن بىرگە، ەلىمىز بويىنشا تۇڭعىش رەت جەتىلدىرىلگەن اق ءتۇستى جۇپار ءشوپ، جۋىردا مەملەكەتتىك وسىمدىكتەردىڭ جاڭا سورتى ۇقىعىن كۋالاندىرۋدى ساتىمەن العان.

جۇپار ءشوپ سورتىنىڭ بىرتەكتى بولۋى، توزىمدىلىگىنىڭ جەتەرسىز بولۋى، ەفير مايىنىڭ ساپاسىنىڭ ءار كەلكى بولۋى قاتارلى جەتەرسىزدىكتەرىنە باعىتتاي وتىرىپ، ىلە اڭعارى اۋىل شارۋاشىلىعى عىلىم – تەحنيكا توبى شەكتى سەرىكتەستىگى مەن جۇڭگو عىلىم اكادەمياسى وسىمدىكتەردى زەرتتەۋ بولىمشەسى تالاي جىلدان بەرى بىرگە وسى اق ءتۇستى جۇپار ءشوپتى تاڭداپ جەتىلدىرگەن، ونىڭ ”تيانشان فەيشۋە“ دەگەن ادەمى ەسىمى بار، ونىڭ ساباعى بەرىك، ساباق تيپى بيك تە زور، گۇلىنىڭ جۇپار ءيىسى كۇشتى، ەرەكشەلىگى كورنەكتى.

”تيانشان فەيشۋە“ ىلە اڭعارىنداعى جۇپار ءشوپتىڭ جۇپار ءيىسى اڭقىعان ەرەكشەلىگىن ساقتاعان، ەفير مايىنىڭ نەگىزگى قۇرامىنىڭ سالىستىرماسى ساپالى ماي ولشەمىنە اناعۇرلىم ساي كەلەدى، ونىڭ ۇستىنە سۋىققا ءتوزىمدى بولۋ، قۋاڭشىلىققا ءتوزىمدى بولۋ قاتارلى جاقتارداعى بەينەسى كورنەكتى، كولەمدەندىرىپ ەگۋ مەن كاسىپ سالاسىنا اينالدىرىپ اشۋعا ۇيلەسەدى.

كەلۋ قاينارى: حالىق تورابى