قاتىناس ساقشىلارى قار جاۋىپ مۇز قاتقان جولدى تازالاپ حالىقتىڭ حاۋىپسىز ساپارعا شىعۋىنا مۇمكىندىك جاسادى

بىرنەشە كۇننەن بەرى، جاۋعان قار مەن سۋىق اعىستىڭ ىقپالىنان شىڭگىل اۋدانىنىڭ ءىشىنارا جولدارىندا قاسات قار قاتىپ، حاۋىپسىزدىك كومەسكى قاتەرى وتە زور بولدى. 11 - ايدىڭ 16 - كۇنى، كەشتە شىڭگىل اۋدانى قوعام حاۋىپسىزدىك مەكەمەسى قاتىناس باسقارۋ ۇلكەن اترەتىنىڭ حالىق ساقشىلارى قاقاعان ايازدان قورىقپاي، قاراستى رايونداعى جولداردىڭ ءىس جۇزىندىك جاعدايىنا نەگىزدەلىپ، قاراستى رايونداعى شىرعالاڭ كوپ تۋىلاتىن، وڭاي مۇز قاتاتىن، وڭاي قار جاۋاتىن جول بولەكتەرىنە تۇز شاشىپ، مۇزدى جانە قاسات قاردى تازالاپ، شىرعالاڭنىڭ تۋىلۋىنان بار كۇشپەن ساقتانىپ، حاۋىپسىزدىككە كەپىلدىك ەتتى.

وسى مەزگىلدە ساقشىلار مەن كومەكشى ساقشىلار ارلى - بەرلى وتكەن اۆتوكولىكتەرگە حاۋىپسىز ارالىقتى ساقتاپ، تومەن قارقىنمەن ءجۇرۋدى، شىرعالاڭنىڭ تۋىلۋىنان ساقتانۋدى ەسكەرتتى. سونىمەن بىرگە، نەگىزگى جول، تاۋلى رايون، سونداي - اق قاتىناس شىرعالاڭى وڭاي تۋىلاتىن جول بولەكتەرىن شارلاۋ جيىلىگىن ارتتىرىپ، تۇتاس ساقشى قوسىلىمىن مىعىمداپ، ناشار اۋا رايى الا كەلگەن قاتىناس حاۋىپسىزدىگى كومەسكى قاتەرىن ەڭ تومەنگى شەككە ءتۇسىردى.

شىڭگىل اۋدانى قوعام حاۋىپسىزدىك مەكەمەسى قاتىناس باسقارۋ ۇلكەن اترەتىنىڭ باستىعى شۇي مىڭجيە بىلاي دەدى: ”ۇلكەن اترەت اۋا رايى وزگەرىسىنە قاداعالاي نازار اۋدارىپ، اۋا رايى ينفورماتسياسىن دەر كەزىندە يگەرىپ، وڭاي قاتىپ قالاتىن، مۇز قاتاتىن جولداردى ءبىر  - بىرلەپ تەكسەرەدى ءارى مۇزدى تازالاۋ قىزمەتىن ويداعىداي ىستەپ، جاۋىن - شاشىندى اۋا رايىنىڭ جولدىڭ قاتىناۋىنا جاسايتىن ىقپالىن مۇمكىندىكتىڭ بارىنشا ازايتىپ، بۇقارانىڭ حاۋىپسىز، ىركىلىسسىز ءجۇرىس ـ تۇرىسىنا كەپىلدىك ەتەمىز.“