اۋەدەگى 120! شينجياڭدا تۇڭعىش رەت ولشەمدەندىرىلگەن قۇرىلىس توبەسىندەگى تىك ۇشاق الاڭقىسىنا ۇشاق قوندىرۋ ورىندالدى

جۋىردا شينجياڭداعى تۇڭعىش ولشەمدەندىرىلگەن قۇرىلىس توبەسىندەگى تىك ۇشاق الاڭقىسى شىحىزى داشۋەسىنىڭ قاراماعىنداعى 1 – ەمحاناداعى مەملەكەتتىك مەدتيسينالىق شۇعىل قۇتقارۋ – كومەكتەسۋ بازاسىندا ىسكە قوسىلدى ءارى تۇڭعىش رەت تىك ۇشاق قوندىرۋ ورىندالدى.

2025 – جىلى 1 – ايدان 2027 – جىلى 12 – ايعا دەيىن، شىحىزى داشۋەسىنىڭ قاراماعىنداعى 1 – ەمحانا بارشا جۇرتشىلىققا اۋەدەگى 120 ارقىلى مەديتسينالىق قۇتقارۋ – كومەكتەسۋ مىندەتىن تەگىن ورىستەتەدى. تەگىن قۇتقارۋ – كومەكتەسۋدىڭ قامتيتىن كولەمى: سۇيەك ءبولىمى، كۇيىك ءبولىمى، نەرۆتىك ىشكى – سىرتقى اۋرۋلار ءبولىمى، جاي سىرتقى اۋرۋلار ءبولىمى، كوكىرەك سىرتقى اۋرۋلار ءبولىمى، جۇرەك ىشكى اۋرۋلار ءبولىمى، تىنىس جولى ءبولىمى قاتارلى شۇعىل ەمدەۋدى ەرەكشە قاجەت ەتەتىن اۋرۋلاردى قامتيدى.

ەگەر سىزگە، ياكي، ماڭايىڭىزداعى ادامدارعا اۋەدەگى 120 ارقىلى مەديتسينالىق قۇتقارۋ – كومەكتەسۋدەن يگىلىكتەنۋ قاجەت بولسا، شىحىزى داشۋەسىنىڭ قاراماعىنداعى 1 – ەمحانانىڭ شۇعىل ەمدەۋ ورتالىعىنىڭ 24 ساعاتتىق شۇعىل قۇتقارۋ تەلەفونىنا حابارلاسساڭىزدار بولادى: 2858120 - 0993. ماماندار گرۋپپاسى ساراپتاعان سوڭ، تىك ۇشاق جىبەرۋ شارتىنا ۇيلەسەتىن بولسا، كاسىپتىك ەمدەۋ قىزمەتكەرلەرى مەن تىك ۇشاقتى جىبەرىپ، تەگىن جوتكەيدى.

كەلۋ قاينارى: حالىق تورابى