شينجياڭدا تاعى دا سۋىق اعىس بولادى

11 ـ ايدىڭ 22 ـ كۇنى سۋىق اعىستىڭ ىقپالىنان شينجياڭنىڭ كوپ جەرىندە تەمپەراتۋرا كورنەكتى تومەندەدى. 11 – ايدىڭ 22 – كۇنى ساعات 8 دەن 23 – كۇنى ساعات 8 گە دەيىن سولتۇستىك شينجياڭنىڭ سولتۇستىك بولەگى، ءۇرىمجى، سانجى وبلىسى وڭىرلەرىندە قالىڭ قار، ءىشىنارا جەرلەردە ەرەكشە قالىڭ قار جاۋدى. سولتۇستىك شينجياڭنىڭ سولتۇستىگى، ءۇرىمجى قالاسى، سانجى وبلىسى قاتارلى جەرلەردە جاڭادان 1 تە 8 سانتيمەتر قار جاۋدى، ءۇرىمجى قالاسىنىڭ وڭتۇستىگىندەگى تاۋلى ءوڭىر، سانجى وبلىسىنىڭ تاۋلى ءوڭىرى قاتارلى جەرلەردە جاڭادان جاۋعان قاردىڭ قالىڭدىعى 10 دا 30 سانتيمەتر بولدى.

شينجياڭ اۋا رايى مەكەمەسى ءۇنحات الەۋمەتتىك تەكشەسىنىڭ حابارىنا قاراعاندا، كەلەسى سۋىق اعىستا كەلىپ جەتكەن، 11 - ايدىڭ 24 - كۇنىنەن 25 - كۇنىنە دەيىن سولتۇستىك شينجياڭ قاتارلى جەرلەردە جاڭبىر، قار جاۋادى، سولتۇستىك شينجياڭنىڭ، شىعىس شينجياڭنىڭ جەل وتتەرىندە جەل كۇشى ءبىرشاما زور بولادى، ءىشىنارا جەرلەردە قارلى بوران سوعادى، سولتۇستىك شينجياڭنىڭ سولتۇستىگىنىڭ، قۇمىل قالاسىنىڭ سولتۇستىگىنىڭ ەڭ تومەنگى اۋا تەمپەراتۋراسى 5 سەلتسي گرادۋس اينالاسىندا تومەندەيدى.

11 - ايدىڭ 24 - كۇنى تۇننەن 25 - كۇنى كۇندىزگە دەيىن، سولتۇستىك شينجياڭنىڭ سولتۇستىگى، شىحىزى قالاسىنىڭ، ءۇرىمجى قالاسىنىڭ، سانجى وبلىسىنىڭ باسىم كوپ جەرى جانە سولتۇستىك شينجياڭنىڭ باتىس بولىگىندەگى تاۋلى وڭىرلەر، بايىنعولىن وبلىسىنىڭ سولتۇستىگىندەگى تاۋلى وڭىرلەر، قۇمىل قالاسىنىڭ سولتۇستىگىندەگى تاۋلى وڭىرلەر قاتارلى جەرلەردىڭ ءىشىنارا وڭىرلەرىندە جاڭبىر ارالاس قار جاۋادى، سوڭى قارعا اينالادى، مۇنىڭ ىشىندە ىلە اڭعارىنداعى تاۋلى وڭىرلەر، تارباعاتاي ايماعىنىڭ سولتۇستىگى، التاي ايماعىنىڭ باتىس سولتۇستىك بولەگى، ءۇرىمجى قالاسىنىڭ وڭتۇستىگىندەگى تاۋلى رايوندار، سانجى وبلىسىنىڭ شىعىس بولىگىندەگى تاۋلى رايوندار، قۇمىل قالاسىنىڭ سولتۇستىگىندەگى تاۋلى رايوندار قاتارلى ورىنداردىڭ ءبىر ءبولىم رايوندارىندا ورتاشادان باستاپ قالىڭ قار جاۋادى، تاۋلى رايونداردىڭ ءبىر ءبولىم جەرلەرىندە ەرەكشە قالىڭ قار جاۋادى؛ جوعارىدا ايتىلعان باسىم كوپ ساندى وڭىرلەردە باتىس سولتۇستىكتەن 5 بال اينالاسىندا جەل سوعادى، جەل وتتەرىندەگى جەل كۇشى 9 دا 10 بالعا جەتەدى؛ سولتۇستىك شينجياڭنىڭ سولتۇستىگىنىڭ، قۇمىل قالاسىنىڭ سولتۇستىگىنىڭ ەڭ تومەنگى تەمپەراتۋراسى 5 سەلتسي گرادۋس اينالاسىندا تومەندەيدى. بۇكىل شينجياڭنىڭ باسقا رايوندارىندا نەگىزىنەن كۇن اشىق نەمەسە بۇلتتى بولادى، جەل كۇشى زور بولمايدى.

11 - ايدىڭ 25 – كۇنى تۇندە قۇمىل قالاسىنىڭ سولتۇستىگىندەگى تاۋلى وڭىرلەردىڭ ءىشىنارا جەرلەرىندە قىرباق قار جاۋادى؛ شىعىس شينجياڭنىڭ جەل وتتەرىندە باتىس سولتۇستىكتەن 9 دا 10 بال جەل سوعادى. 11 – ايدىڭ 26 – كۇنى كۇندىز تيانشاننىڭ سولتۇستىك بەتكەيى مەن بايىنعولىن وبلىسىنىڭ سولتۇستىگىندەگى ءىشىنارا وڭىرلەردە كۇن بۇلتتاپ تۇمان تۇسەدى نەمەسە قار جاۋادى؛ التاي ايماعىنىڭ باتىس بولەگىندە، ءۇرىمجى قالاسىندا، سانجى وبلىسىندا قيىس شىعىستان 5 بال شاماسىندا جەل سوعادى، التاي ايماعىنىڭ نوقاي بورانى رايونى، ءۇرىمجى قالاسىنىڭ ۇلانباي جانە حۇڭيانچى قاتارلى جەل وتتەرىندە جەل كۇشى 7 دە 8 بال بولادى، مەزەتتىك وتكىنشى جەل كۇشى 9 دا 10 بالعا جەتەدى، ءىشىنارا جەرلەردە قارلى بۇرقاسىن بولادى. بۇكىل شينجياڭنىڭ باسقا رايوندارىندا نەگىزىنەن كۇش اشىق نەمەسە بۇلتتى بولادى، جەل كۇشى زور بولمايدى.

سۋىق اعىس ارت – ارتىنان ءجۇرىپ، شينجياڭنىڭ جەر - جەرىندەگى اۋا تەمپەراتۋراسىنىڭ تولقۋى كورنەكتى بولۋدا، قالىڭ قالا تۇرعىندارىنا دەر كەزىندە قالىڭ كيىنىپ، سۋىقتان ساقتانىپ، جىلۋ ساقتاۋ شارالارىن ويداعىداي ىستەۋدى، جاۋىن – شاشىن كۇندەرى اۆتوكولىك جۇرگىزۋدە حاۋىپسىز قاتىناۋعا كوڭىل ءبولۋدى ەسكەرتەمىز.