ەڭ جاڭا بەكىتپە! شينجياڭداعى ءبىر اۋەجاي تۋرالى جاقسى حابار كەلدى

شينجياڭ اۋەجاي توبىنىڭ ۋيشين تەكشەسىنىڭ حابارلاۋىنشا، جۇڭگو حالىقتىق اۆياتسيا مەڭگەرمەسىنىڭ ەڭ جاڭا بەكىتپەسىنە ساي، ىلە قۇلجا حالىقارالىق اۋەجايى 2026 – جىلى 3 – ايدىڭ 19 – كۇنىنەن باستاپ شەتەلگە ماڭگىلىك اشىق ۇستاۋ جوباسىن رەسمي جالپى بەتتىك اتقارىپ، ءۇرىمجى تيانشان حالىقارالىق اۋەجايى مەن قاشقار لاينيڭ حالىقارالىق اۋەجايىنان كەيىن ءۇشىنشى بولىپ حالىقارالىق اۆياتسيا تۇراقتى وتكەلىنە اينالادى.

شەتەلگە ماڭگىلىك اشىق ۇستاۋ جوباسى ىسكە قوسىلعان سوڭ، ىلە قۇلجا حالىقارالىق اۋەجايى ۋاقىتتىق اشىق ۇستاۋعا رۇقسات بەرۋ فورماسىنا قوش ايتىپ، حالىقارالىق كەزەكشى ۇشاقتاردى ۇشىراتىن تيجارات نەگىزگى تۇلعالارى ماڭگىلىك تولىمدىلىق ارقىلى اۆياتسيا جەلىسىن بەكىتۋگە تىكەلەي ءوتىنىش بەرە الادى، ءوتىنىشتى بەكىتۋ مەرزىمى بارىنشا قىسقارادى، سونىمەن بىرگە، اۆياتسيالىق سەرىكتەستىكتەردىڭ تيجارات وزىندىك قۇنى تومەندەيدى، ورتا ازيا، باتىس ازيا جانە ەۆروپا باعىتىنداعى اۋە جەلىسىنىڭ ومىرشەڭدىك قۋاتىن تاسقىنداتادى.

اشىق ينفورماتسيالارعا قاراعاندا، قۇلجا اۋەجايى 1936 – جىلى سالىنىپ بولىپ، ۇشاق قاتىناعان، 2024 – جىلى 4 – ايدا حالىقارالىق اۋە جەلىسى اشىلىپ، ءۇرىمجى مەن قاشقاردان كەيىن شينجياڭ بويىنشا ءۇشىنشى بولىپ حالىقارالىق اۋە جەلىسى اشىلعان شەتەلگە اشىق ۇستالعان اۆياتسيالىق وتكەلگە اينالعان، سول جىلى 6 – ايدا اتى ىلە قۇلجا حالىقارالىق اۋەجايى بولىپ وزگەرتىلگەن.

حالىقتىق اۆياتسيا بايلىق قاينارى تورابىنىڭ حابارلاۋىنشا، 2025 – جىلى 11 – ايدىڭ 6 – كۇنىنە دەيىن، ىلە قۇلجا حالىقارالىق اۋەجايىنىڭ جولاۋشى قابىلداۋ – جونەلتۋ مولشەرى تۇڭعىش رەت 3 ميلليون ادامدىق (رەت) دەڭگەيدەن اسىپ، اۋەجايدا ۇشاق قاتىناعاننان بەرگى جولاۋشى قابىلداۋ – جونەلتۋ مولشەرىنىڭ رەكوردىن جاڭالاپ، ورتا تيپتى قاربالاس اۋەجايلاردىڭ قاتارىنا رەسمي قوسىلعان.

كەلۋ قاينارى: حالىق تورابى