شينجياڭنىڭ وسى اپتاداعى اۋا رايى: قارلى بورانمەن باستالىپ، تۇمانمەن اياقتايدى

وسى اپتادا (11 – ايدىڭ 24 – كۇنىنەن 30 – كۇنىنە دەيىن) سولتۇستىك شينجياڭنىڭ باسىم كوپ وڭىرىندە جاڭبىر ارالاس قار جاۋادى نەمەسە قار جاۋادى، اپتا سوڭىندا تيانشاننىڭ سولتۇستىك بەتكەيى، بايىنعولىن موڭعۇل اۆتونوميالى وبلىسى قاتارلى جەرلەردىڭ ءىشىنارا وڭىرلەرىندە كۇن بۇلتتاپ، تۇمان تۇسەدى، تەمپەراتۋرا ءبىرشاما تومەندەيدى. شينجياڭ اۋا رايى ستانسياسى مىنانى ەسكەرتتى: جۇرتشىلىق ساپارعا شىعاردا الدىن الا دايىندىق ىستەپ، ءتيىمسىز ىقپالدان ساقتانۋعا كوڭىل ءبولۋ كەرەك.

الدىن الا مالىمەتتە كورسەتىلۋىنشە، 11 - ايدىڭ 24 - كۇنى تۇستەن كەيىننەن 11 - ايدىڭ 25 - كۇنى تۇنگە دەيىن، سولتۇستىك شينجياڭنىڭ باسىم كوپ بولەگىندە، بايىنعولىن وبلىسىنىڭ سولتۇستىگىندەگى تاۋلى وڭىرلەردە، قۇمىل قالاسىنىڭ سولتۇستىگىندەگى جەرلەردە جاڭبىر ارالاس قار جاۋادى نەمەسە قار جاۋادى. نازار اۋدارۋعا تاتيتىنى، ىلە اڭعارىنىڭ شىعىس بولەگى، تارباعاتاي ايماعىنىڭ سولتۇستىك بولەگى، التاي ايماعىنىڭ باتىس بولەگى مەن سولتۇستىك بولەگىندەگى تاۋلى رايونداردىڭ ءىشىنارا جەرلەرىندە ورتاشادان باستاپ قالىڭ قار جاۋادى، ءىشىنارا جەرلەردە ەرەكشە قالىڭ قار جاۋۋى مۇمكىن. قاردىڭ جاۋۋىنا بايلانىستى، جوعارىدا ايتىلعان رايونداردا باتىس سولتۇستىكتەن 5 بال اينالاسىندا جەل سوعادى، جەل وتتەرىندەگى جەل كۇشى زور بولادى، مەزەتتىك وتكىنشى جەل كۇشى 9 دا 10 بالعا جەتەدى، ءىشىنارا وڭىرلەردە قارلى بوران سوعۋى مۇمكىن. بۇدان سىرت، سولتۇستىك شينجياڭنىڭ سولتۇستىگى مەن قۇمىل قالاسىنىڭ سولتۇستىگىندەگى ەڭ تومەنگى تەمپەراتۋرا مەجەمەن 3 تە 5 سەلتسي گرادۋس تومەندەپ، سۋىق ءتىپتى دە كورنەكتى بولادى.

وسى اپتانىڭ سوڭىندا، 11 – ايدىڭ 26 – كۇنىنەن 29 – كۇنىنە دەيىن تيانشاننىڭ سولتۇستىك بەتكەيى، بايىنعولىن وبلىسىنىڭ سولتۇستىگىندەگى تاۋلى وڭىرلەر قاتارلى جەرلەردىڭ ءىشىنارا وڭىرلەرىندە ۇزدىك ـ سوزدىق تۇمان تۇسەدى، كورۋ دارەجەسى تومەندەپ، قاتىناس ـ تاسىمالعا ىقپالى ءبىرشاما كورنەكتى بولادى.

شينجياڭ اۋا رايى ستانسياسى مىنانى ەسكەرتتى: وسى اپتادا اۋا رايى كۇردەلى دە قۇبىلمالى بولىپ، شينجياڭنىڭ ءىشىنارا جەرلەرىندە قار جاۋادى، بوران سوعادى، قارلى بوران سوعادى، سونداي – اق كۇن بۇلتتاپ تۇمان تۇسەدى، بۇقارانىڭ ەڭ جاڭا الدىن الا مالىمەتكە كوڭىل ءبولىپ، ساقتاندىرۋ ينفورماتسياسىنا قاداعالاي نازار اۋدارۋىن، ساپار جولىن الدىن الا جوسپارلاۋىن ەسكەرتەمىز. اۆتوكولىك ايداعاندا جىلدامدىعىن قاتاڭ مەڭگەرىپ، حاۋىپسىز ارالىق ساقتاپ، ءجۇرىس – تۇرىس حاۋىپسىزدىگىنە كەپىلدىك ەتۋ كەرەك.

كەلۋ قاينارى: حالىق تورابى