بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.11.25 15:56 كەلۋ قاينارى : حالىق تورابى
ەگەر بىرەۋ سىزگە تەلەفون جالعاپ، ۇيىڭىزگە بارىپ توردىڭ قارقىنىن تەزدەتەتىن اسپاپتى تەگىن ورناتىپ بەرەتىنىن ايتسا، ءسوزسىز، قىراعىلىقتى ارتتىرىڭىز!
وسىنداي وزدەرىن ”قىزمەتكەرمىز“ دەپ تانىستىراتىن الدامكوستەر كەلىپ كەتكەن سوڭ، ۇيىڭىزدە ”قارا قوبديشا“ پايدا بولۋى مۇمكىن. الدا – جالدا ”قارا قوبديشا“ ۇيىڭىزدەگى تۇراقتى تەلەفونعا نەمەسە ينتەرنەت سىمىنا جالعانسا، وندا الدامكوستەردىڭ شىرعاسىنا تۇسكەنىڭىز!
”قارا قوبديشا“ دەگەن نە؟
”قارا قوبديشا“ دەگەنىمىز ءبىر ءتۇرلى VOIP اسپابى، الدامكوستەر وسىنداي قۇرىلعىلار ارقىلى شەكارا سىرتىنداعى الدامكوستىك تەلەفونىن ەل ىشىندەگى تەلەفون نومىرىنە وزگەرتىپ، الدانۋشىلاردىڭ قىراعىلىعىن بارىنشا تومەندەتەدى.
شەكارا سىرتىنا جاسىرىنعان الدامكوستەر ”قارا قوبديشا“ ارقىلى ۇيىڭىزدەگى تۇراقتى تەلەفونمەن الدامكوستىك ماقساتىندا باسقالارعا تەلەفون جالعايدى، الدانۋشىنىڭ تەلەفونىنان ءسىزدىڭ ۇيىڭىزدەگى تەلەفوننىڭ ءنومىرى كورىنەدى. وسىلايشا قوماقتى سوماداعى تەلەفون قاراجاتىڭىزدىڭ تەكتەن – تەككە كەتىپ جاتقانىن اڭعارماي قالاسىز، ءتىپتى الدامكوستىكپەن شۇعىلداناتىنداردىڭ ”قولشوقپارىنا“ اينالىپ قالۋىڭىز ىقتيمال.
”قارا قوبديشانىڭ“ قانداي بەلگىلەرى بار؟
سىرتقى فورماسى وزگەشە
مۇنداي اسپاپتاردىڭ سىرتقى فورماسى روۋتەرگە (ينتەرنەت جەلىسىن جالعاۋ اسپابى) ۇقسايدى، الايدا، جاي روۋتەردەن گورى كىشىلەۋ كەلەدى، بەتىندە ماركاسى بولمايدى نەمەسە بىرنەشە SIM كارتۋچكاسىن سالاتىن ورنى، USB جالعاۋ اۋىزى (سىرتقى توك قاينارىنا نەمەسە ساقتاۋ اسپابىنا جالعاۋعا پايدالانىلادى) بولادى، كەيبىرەۋىنىڭ سىرتىندا انتەنناسى بولادى.
جالعاۋ ءتاسىلى ۇيلەسىمسىز
ەگەر ۇيىڭىزدە ينتەرنەت كەنەتتەن باياۋلاپ، تەلەفون اقىسىندا وزگەشە جاعداي بايقالسا، نەمەسە بوتەن اسپاپتىڭ جالعانعانى بايقالسا (روۋتەردى باسقارۋ پاراقشاسى ارقىلى جالعانعان اسپاپتاردى تەكسەرىپ كورۋگە بولادى)، ونىڭ ۇستىنە، اسپاپتىڭ كەلۋ قاينارى سەنىمدى بولماسا، قىراعىلىقتى بارىنشا ارتتىرعان ءجون.
ساقشى جاق مىنانى ەسكەرتەدى: بىرەۋلەر ”ۇيگە بارىپ جوندەپ بەرەمىز، ينتەرنەت قارقىنى تەزدەيدى، ساۋعا ۇسىنامىز“ دەگەن سياقتى جەلەۋلەرمەن ۇيگە بارىپ تەگىن قىزمەت وتەيتىنىن ايتسا، ءسوزسىز، قىراعىلىقتى ارتتىرىڭىز، مۇنداي جاعدايعا جولىققاندا، ءسوزسىز، قارسى جاقتىڭ سالاۋاتى مەن قاتىستى ينفورماتسيالارىن سالىستىرىپ تەكسەرىپ، دەر كەزىندە سەنىمدى ورىندارعا تەلەفون جالعاپ راستاعان ءجون. ەگەر ۇيىڭىزدە وزگەشە ”قارا قوبديشا“ بايقالسا، دەرەۋ ساقشىعا مالىمدەڭىز.
مۇنان سىرت، قوعام حاۋىپسىزدىگى ورگاندارىنىڭ بايقاۋىنشا، دەلو تۋدىرۋشىلار كوبىنەسە قوعامداعىلارمەن بايلانىسى ءبىرشاما از قارتتاردى الدىمەن نىساناعا الادى، ءسوزسىز، وتباسىنداعى قارتتارعا ەسكەرتۋدى ۇمىتپاڭىز.
كەلۋ قاينارى: حالىق تورابى
