ينتەرنەت ساقشىلارى ”حالىقتىق قونالقىدا بەلگىسىز جۇعىمدالۋ قاينارى بايقالدى“ دەپ وسەك – اياڭ قۇراستىرعان ادامدى زاڭ بويىنشا انىقتاپ ءبىر جاقتى ەتتى

جۋىردا ءمالىم قىسقا كەسكىن تەكشەسىنەن پايدالانۋشى ”جۋىردا لانجوۋ جاڭا رايونىندا حالىقتىق قونالقىدا كوپتەگەن XX بايقالىپ، وسىنىڭ سالدارىنان بىرەۋلەر HPV ۆيرۋسىمەن جۇعىمدالعان“، ”لانجوۋ جاڭا رايونىنداعى ءارقايسى حالىقتىق قونالقىلاردا سىرت جەردەن كەلگەن بەيمالىم جۇعىمدالۋشى بايقالدى، ءار كۇنى بەيمالىم ادامدار الما – كەزەك اۋىسىپ تۇنەيدى ەكەن“ دەگەن سياقتى ينفورماتسيالاردى جاريالاعان. بۇل ينفورماتسيالار كوپتەگەن توراپتاستاردىڭ نازارىن اۋدارعان ءارى ونى تالقىلاعان، جەرگىلىكتى جۇرتشىلىق اراسىندا ۇرەي تۋدىرعان.

وسى ينفورماتسيانىڭ شىن – جالعاندىعى تۋرالى لانجوۋ ينتەرنەت ساقشىلارى دەرەۋ تەكسەرۋ جۇرگىزگەن.

تەكسەرۋگە قاراعاندا، مۇنىڭ بارلىعى وسەك – اياڭ، اقپارات جولداۋشى گوۋ X جەكە وشپەندىلىك سەبەبىنەن وسىلاي جاريالاعان.

بۇل اقپارات جاريالانعان سوڭ، قوعامدا ناشار ىقپال تۋدىرىپ، قوعامداعى الەۋمەتتىك ءتارتىپتى بۇلدىرگەن. سول جەردەگى قوعام حاۋىپسىزدىگى ورگاندارى گوۋ X تى زاڭ بويىنشا اكىمشىلىك جاقتان جازالاعان.

ساقشى جاق مىنانى ەسكەرتەدى

ينتەرنەت كەڭىستىگى زاڭنان تىسقارى اۋماق ەمەس، حالىق تۇرمىسىنا ساياتىن ساياساتتار، الەۋمەتتىك حاۋىپسىزدىك قاتارلى جاقتاردا جالعان اقپارات قۇراستىرۋ جانە ونى تاراتۋ زاڭعا قايشى ارەكەت سانالادى، ينتەرنەت ساقشىلارى زاڭ بويىنشا قاتاڭ جازالايدى.

مۇنداي اقپاراتتاردى جوتكەگەندەر دە جاۋاپكەرشىلىك ارقالايدى، «جۇڭحۋا حالىق رەسپۋبليكاسىنىڭ اماندىق باسقارۋعا قايشىلىق جاساعانداردى جازالاۋ زاڭىندا» مىنالار ايقىن بەلگىلەنگەن: وسەك – اياڭ تاراتقاندارعا، حاۋىپتى جاعداي، ىندەت جاعدايى، ساقتىق جاعدايى تۋرالى جالعان اقپارات بەرگەندەرگە نەمەسە باسقا تاسىلمەن الەۋمەتتىك ءتارتىپتى بۇلدىرگەندەرگە ون كۇننەن تومەن قولدا ۇستاي تۇرۋ جازاسىن بەرۋگە، 500 يۋاننان تومەن اقشالاي ايىپ سالۋعا بولادى. قىلمىسى ءبىرشاما جەڭىل بولسا، بەس كۇننەن تومەن قولدا ۇستاي تۇرۋ جازاسىن بەرۋگە نەمەسە 500 يۋاننان تومەن اقشالاي ايىپ سالۋعا بولادى. ەلەۋسىز قاراپ زاڭعا قايشىلىق جاساۋدان ساق بولىڭىز.

كەلۋ قاينارى: حالىق تورابى