مەملەكەتتىك 13 - كەزەكتى حالىق قۇرىلتايى وقۋ - اعارتۋ، عىلىم - تەحنيكا، مادەنيەت، دەنساۋلىق ساقتاۋ كوميتەتىنىڭ ورىنباسار مەڭگەرۋشى مۇشەسى دۋ يۇيبونىڭ پارا الۋ دەلوسىنا ءبىرىنشى سوتتا ۇكىم شىعارىلدى

11 - ايدىڭ 26 - كۇنى سانشي ولكەسى لينفىن قالالىق ورتا دارەجەلى حالىق سوت مەكەمەسى 1 - سوتتا مەملەكەتتىك 13 - كەزەكتى حالىق قۇرىلتايى وقۋ - اعارتۋ، عىلىم - تەحنيكا، مادەنيەت، دەنساۋلىق ساقتاۋ كوميتەتىنىڭ ورىنباسار مەڭگەرۋشى مۇشەسى دۋ يۇيبونىڭ پارا الۋ دەلوسىنا اشىق ۇكىم شىعارىپ، ايىپكەر دۋ يۇيبوعا پارا الۋ قىلمىسى بويىنشا مەرزىمدى قاماۋ جازاسىنا ۇكىم ەتتى، وعان قوسا 6 ميلليون يۋان اقشالاي ايىپ سالدى؛ دۋ يۇيبونىڭ قىلمىس وتكىزىپ تاپقان مال - مۇلكى مەن ءوسىمىن زاڭ بويىنشا قۋزاپ قايتارىپ الىپ، مەملەكەت قازىناسىنا تاپسىرادى.

تەكسەرۋ ارقىلى مىنانى انىقتادى: 2000 - جىلدان 2024 - جىلى 8 - ايعا دەيىن ايىپكەر دۋ يۇيبو بەيجيڭ جاراتىلىستىق عىلىمدار داشۋەسى پارتكومىنىڭ ورىنباسار شۋجيى، ورىنباسار مەكتەپ باستىعى، پارتكومنىڭ ۇنەمىلىك ىستەرگە جاۋاپتى ورىنباسار شۋجيى، بەيجيڭ اۆياتسيا - عارىش داشۋەسى پارتكومىنىڭ شۋجيى، وقۋ - اعارتۋ مينيسترلىگى پارتگرۋپپاسىنىڭ ورىنباسار شۋجيى، ورىنباسار مينيسترى، مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ مۇشەسى، وقۋ - اعارتۋ، عىلىم - تەحنيكا، مادەنيەت، دەنساۋلىق ساقتاۋ كوميتەتىنىڭ ورىنباسار مەڭگەرۋشىسى، جۇڭگو جوعارى دارەجەلى وقۋ - اعارتۋ عىلىمي قوعامى 7 -، 8 - كەزەكتى القالار كەڭەسىنىڭ باستىعى، 7 -، 8 - كەزەكتى مەملەكەتتىك جوعارى مەكتەپتەردى قۇرۋ، باعالاۋ كوميسسياسىنىڭ مەڭگەرۋشىسى قاتارلى قىزمەت قولايلىلىعىنان، سونداي - اق قىزمەت ۇقىعى نەمەسە ورنى قالىپتاستىرعان قولايلى شارت – جاعدايدان، مەملەكەت قىزمەتكەرلەرىنىڭ باسقا دا مىندەت جاعىنداعى ارەكەتتەرىنەن پايدالانىپ قاتىستى جەكەلەردىڭ حالىق باسقارۋىنداعى جوعارى مەكتەپتەردى قۇرۋى، قۇرىلىس نىساندارىن كوتەرىپ الۋى، پەرزەنتتەرىنىڭ وقۋعا ءتۇسۋى، جۇمىستانۋى قاتارلى ىستەردە كومەك كورسەتىپ، جوعارىداعى ايتىلعان جەكەلەردىڭ بەرگەن مال - مۇلكىن العان، ونى حالىق اقشاسىنا سىندىرعاندا جيىنى 67 ميلليون 930 مىڭ يۋاننان اسقان.

لينفىن قالالىق ورتا دارەجەلى حالىق سوت مەكەمەسى بىلاي دەپ قارادى: ايىپكەر دۋ يۇيبونىڭ ارەكەتى پارا الۋ قىلمىسىن قالىپتاستىرادى، ونىڭ پاراعا العان سوماسى ەرەكشە كوپ، ونى زاڭ بويىنشا جازالاۋ كەرەك. ول سوتقا كەلگەننەن كەيىن قىلمىسىن قاز - قالپىندا مويىنداپ، دەلو ءبىر جاقتى ەتۋ ورگانى ءالى يگەرمەگەن كوپ ساندى پارا الۋ فاكتتەرىن ىرىقتىلىقپەن تاپسىرىپ، قىلمىسىن تانىپ، رايىنان قايتىپ، زاڭسىز ولجانى بەلسەنە قايتارعان، زاڭسىز اقشا مەن زاڭسىز ولجانى تۇگەلدەي قۋزاپ قايتارىپ العاندىقتان، زاڭ بويىنشا جەڭىل جازالاۋعا بولادى. سوت مەكەمەسى جوعارىداعىداي ۇكىم شىعاردى.

ۇعىسۋعا قاراعاندا، لينفىن قالالىق ورتا دارەجەلى حالىق سوت مەكەمەسى 8 – ايدىڭ 21 - كۇنى بۇل دەلونى اشىق قاراعان. پروكۋراتۋرا ورگانى قاتىستى دالەل - سىپاتتاردى كورسەتتى، ايىپكەر دۋ يۇيبو مەن ونىڭ اقتاۋشىسى فاكت كورسەتتى، شاعىم ايتۋشى مەن اقتاۋشى ەكى جاق سوتتىڭ باسقارۋىندا تولىق پىكىر ايتتى، دۋ يۇيبو سوڭعى ءسوزىن سويلەدى ءارى سوت ۇستىندە قىلمىسىن تانىپ وكىنەتىندىگىن ءبىلدىردى. حالىق قۇرىلتايى ۋاكىلدەرىنەن، ساياسي كەڭەس مۇشەلەرىنەن جانە ءار سالا بۇقاراسىنان 30 نەشە ادام سوت تەرگەۋىن سىرتتاي تىڭدادى.

كەلۋ قاينارى: حالىق تورابى