جەكەلىك جۇمىسقا بايلانىستى ۇيىنە قايتۋ ءۇشىن رۇقسات سۇراپ، جۇمىستان تۇسكەن جولدا قاتىناس شىرعالاڭىنا ۇشىراسا جۇمىس ۇستىندە جارالانعان ەسەپتەلە مە؟

دەلونى قىسقاشا تانىستىرۋ

جوۋ X ءمالىم سەرىكتەستىكتىڭ قىزمەتكەرى. 2024 – جىلى 3 – ايدىڭ 9 – كۇنى ساعات 7 دەن 58 مينۋت اينالاسىندا، جوۋ X سەرىكتەستىككە بارىپ جۇمىسقا شىعۋعا دايىندالىپ جاتقاندا، وتباسىندا ۋاقىتشا جۇمىس شىعىپ قالعاندىقتان، جوۋ X تەلەفون ارقىلى سەحتىڭ مەڭگەرۋشىسىنەن رۇقسات سۇراپ، اۋىزشا رۇقسات العان ءارى 8 دەن 15 مينۋت وتكەندە ۋيشين ارقىلى رەسمي رۇقسات سۇراۋ ءوتىنىشىن تاپسىرعان. وسىدان سوڭ جوۋ X ەلەكترلى ۆەلوسيپەتپەن ۇيىنە قايتقان جولدا قاتىناس شىرعالاڭىنا ۇشىراعان. قاتىناس ساقشىسى تاراۋلارىنىڭ تۇراقتاندىرۋى بويىنشا، جوۋ X شىرعالاڭدا قوسالقى جاۋاپكەرشىلىك ارقالاعان.

2024 – جىلى 7 – ايدىڭ 6 – كۇنى، جوۋ X جەرگىلىكتى ورىنداعى ادام كۇشى بايلىعى جانە قوعامدىق قامتاماسىزداندىرۋ مەكەمەسىنە جۇمىس ۇستىندە جارالانعانىن تۇراقتاندىرۋ جونىندە ءوتىنىش تاپسىرعان. الايدا، سەرىكتەستىك جوۋ X جەكە جۇمىسىنا بايلانىستى رۇقسات سۇراپ ۇيگە قايتقاندىقتان جۇمىسقا بارىپ – كەلۋ سانالمايدى، سوندىقتان جۇمىس ۇستىندە جارالانۋ دەپ ەسەپتەۋگە بولمايدى دەپ قاراعان.

ءبىر جاقتى ەتۋ ناتيجەسى

ادام كۇشى بايلىعى جانە قوعامدىق قامتاماسىزداندىرۋ مەكەمەسى جوۋ X تىڭ جارالانۋى جۇمىس ۇستىندە جارالانۋعا جاتادى دەپ تۇراقتاندىرعان. اتالعان سەرىكتەستىك بۇعان مويىنسال بولماي، اكىمشىلىك ارىز – شاعىم كوتەرگەن، سوت مەكەمەسى ءبىرىنشى، ەكىنشى رەتكى سوتتا تۇگەلدەي ولاردىڭ ارىز – شاعىم تالابىن تويتارعان.

زاڭ بويىنشا تالداۋ جاساۋ

«جۇمىس ۇستىندە جارالانۋدان قامسىزداندىرۋ ەرەجەسىنىڭ» 14 – تارماعىنىڭ 6 – تارماقشاسىندا بىلاي دەپ بەلگىلەنگەن: جۇمىسشى – قىزمەتكەرلەر جۇمىسقا بارىپ – كەلۋ بارىسىندا ءوزى باستى جاۋاپكەرشىلىك ارقالامايتىن قاتىناس شىرعالاڭىنا ۇشىراسا نەمەسە قالاداعى رەلستى قاتىناس، جولاۋشى تاسىمالىمەن شۇعىلداناتىن كەمە، پويەز شىرعالاڭىندا جارالانسا، جۇمىس ۇستىندە جارالانعان دەپ قاراۋ كەرەك.

”جۇمىسقا بارىپ – كەلۋ بارىسىندا“ دەگەن ءسوزدىڭ ءمانىن ايقىنداۋ جونىندە «ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ ‹جۇمىس ۇستىندە جارالانۋدان قامسىزداندىرۋ ەرەجەسىن› اتقارۋعا بايلانىستى ءبىر قانشا ماسەلە تۋرالى پىكىرىنىڭ (ەكىنشى)» 6 – تارماعىندا بىلاي دەپ بەلگىلەنگەن: ”جۇمىسشى – قىزمەتكەرلەر جۇمىسقا بارىپ – كەلۋدى ماقسات ەتىپ، ۇيلەسىمدى ۋاقىت ىشىندە قىزمەت ورنى مەن قونىستانعان ورنى اراسىنداعى ۇيلەسىمدى جولمەن بارىپ - كەلگەن بولسا، جۇمىسقا بارىپ – كەلۋ بارىسى دەپ قارالادى“. جوعارىداعى بەلگىلەمەگە ساي، ”جۇمىسقا بارىپ – كەلۋ بارىسى“ دەگەندە جۇمىسشى – قىزمەتكەرلەردىڭ قالىپتى قىزمەتكە بارعان، قىزمەتتەن قايتقان، ۇستەمە جۇمىس ىستەگەن كەزدەگى جۇمىسقا بارىپ – كەلۋ بارىسىن قامتىپ قالماستان، جۇمىسشى – قىزمەتكەرلەردىڭ جەكەلىك جۇمىسىنا بايلانىستى رۇقسات سۇراپ، بەكىتۋدەن وتكەن سوڭ جۇمىسقا بارىپ – كەلگەن بارىسىن دا قامتيدى. ويتكەنى، بەكىتۋدەن وتكەن سوڭ جەكەلىك جۇمىسىنا بايلانىستى ۇيگە قايتۋ دا جۇمىستان ءتۇسۋ سانالادى.

وسى دەلودا جوۋ X ءىس تۋىلعان كۇنى سەرىكتەستىككە بارعان سوڭ، جەكەلىك جۇمىسىنا بايلانىستى رۇقسات سۇراعان ءارى ۇيىنە قايتقان جولدا ءوزى قوسالقى جاۋاپكەرشىلىك ارقالايتىن قاتىناس شىرعالاڭىنا ۇشىراعان، جۇمىس ۇستىندە جارالانۋدى تۇراقتاندىرۋ شارتىنا ساي كەلەدى، زاڭ بويىنشا جۇمىس ۇستىندە جارالانعان دەپ تۇراقتاندىرۋ كەرەك.

كەلۋ قاينارى: حالىق تورابى