بىرلەسكەن مەملەكەتتەر ۇيىمىنىڭ كەلەسى كەزەكتى باس حاتشىسىن تاڭداۋ ءتارتىبى رەسمي باستالدى

جەرگىلىكتى ۋاقىت بويىنشا 11 – ايدىڭ 25 – كۇنى، بىرلەسكەن مەملەكەتتەر ۇيىمى ءماجىلىسىنىڭ ءتوراعاسى بەيربوك پەن حاۋىپسىزدىك القالار كەڭەسىنىڭ كەزەكتى ءتوراعا ەلى سەررا – لەون بىرلەسىپ حات جولداۋ ارقىلى ب م ۇ – نىڭ كەلەسى كەزەكتى باس حاتشىسىن تاڭداۋ جانە مىندەتكە قويۋ ءتارتىبىن رەسمي باستاعان. وسى رەتكى تاڭداۋ جاريالىلىق، كەڭ پەيىلدىلىك، جۇيەلىلىك جانە دەر كەزىندە ورىنداۋ پرينسيبى بويىنشا ورىستەتىلەدى. حاتتا مىنالار باسا دارىپتەلگەن: باس حاتشى مىندەتىنە تاڭدالاتىن ادامعا جۇمىس ونىمدىلىگى، قابىلەتى جانە ادالدىعى قاتارلى جاقتاردا ەڭ جوعارى تالاپتار قويىلادى، سونداي – اق، مىعىم باسشىلىق قابىلەتى، ديپلوماتيالىق تىلدەسۋ قابىلەتى بولۋى جانە كوپ ءتىل ءبىلۋى تالاپ ەتىلەدى.

وسىدان بۇرىن بۇل مىندەتتى ايەل ادام وتەپ كورمەگەندىكتەن، وسى حاتتا مۇشە مەملەكەتتەردى ”ايەل كانديداتتاردى كورسەتۋدى ايرىقشا ويلاسۋعا“، وسى ارقىلى ماڭىزدى شەشىمدەر جاسايتىن قىزمەت ورنىندا جىنىستىق تەڭدىكتى جەبەۋگە شابىتتاندىرعان. سونىمەن بىرگە، وڭىرلىك الۋان تۇرلىلىك تە تاڭداۋ بارىسىنداعى ماڭىزدى ولشەمدەردىڭ ءبىرى. تاڭداۋدىڭ جاريا وتۋىنە كەپىلدىك ەتۋ ءۇشىن، كانديداتتاردى كورسەتۋ بارىسىندا، ءسوزسىز، بولاشاقتاعى ويلارى تۋرالى مالىمدەمەنى تاپسىرۋى جانە قارجىسىنىڭ كەلۋ قاينارىن جاريالاۋى كەرەك.

بىرلەسكەن مەملەكەتتەر ۇيىمىنىڭ ءتوراعاسى جانە حاۋىپسىزدىك القالار كەڭەسىنىڭ ءتوراعاسى كانديداتتار تىزىمدىگىن اشىق جاريالايدى. كانديداتتارعا بەيرەسمي كەڭەسۋ ورايى بەرىلەدى، مۇنىڭ ىشىندە ينتەرنەتتىك تىكە تاراتىلىم ارقىلى پىكىر الماسۋ دا قامتىلادى.

بىرلەسكەن مەملەكەتتەر ۇيىمى 2026 – جىلى 7 – ايدىڭ سوڭىنان باستاپ تاڭداۋ جۇمىسىن باستايدى ءارى دەر كەزىندە ب م ۇ ماجىلىسىنە كانديداتتى كورسەتىپ ۇسىنىس بەرەدى. مۇشە مەملەكەتتەردى كانديداتتاردىڭ تىزىمدىگىن ەرتەرەك تاپسىرىپ، تاڭداۋ قىزمەتىنە دايىندىق جاساۋعا اناعۇرلىم مول ۋاقىت شىعارۋعا شابىتتاندىرادى.

كەلۋ قاينارى: حالىق تورابى