ورتالىق ينتەرنەت حاۋىپسىزدىگى جانە ينفورماتسيالاندىرۋ كەڭسەسى ينتەرنەتتەگى تىكە تاراتىلىمدا انايى توپتىق تاراتىلىم جاسايتىن ءبىر توپ تىركەلگىنى قاتاڭ جازالادى

شينحۋا اگەنتتىگىنىڭ 11 – ايدىڭ 26 – كۇنى بەيجيڭنەن بەرگەن حابارى. ءتىلشىنىڭ 11 – ايدىڭ 26 – كۇنى ورتالىق ينتەرنەت حاۋىپسىزدىگى جانە ينفورماتسيالاندىرۋ كەڭسەسىنەن ۇعىسۋىنشا، جۋىردا ورتالىق ينتەرنەت حاۋىپسىزدىگى جانە ينفورماتسيالاندىرۋ كوميتەتى كەڭسەسى ”پاكتەندىرۋ . ينتەرنەتتىك تىكە تاراتىلىمدا تارتۋ سيلاۋ جاعىنداعى بىلىققان جاعدايدى“ ارناۋلى تۇردە وڭالتۋ ارەكەتىن ىشكەرىلەي ىلگەرىلەتىپ، انايى مازمۇندا توپتىق تاراتىلىم جاساۋ ارقىلى تارتۋ سيلاۋعا شىرعالاۋ ماسەلەسىنە باعىتتاي وتىرىپ، ينتەرنەت تەكشەلەرىن توپتىق تاراتىلىم مازمۇنىن باسقارۋدى ۇزدىكسىز كۇشەيتۋگە قۋزاپ، تيىم سالۋدى ەلەڭقۇرلى كورمەي بەلگىلەمەگە قايشىلىق جاساعان ءبىر توپ تىركەلگىنى قاتاڭ ءبىر جاقتى ەتتى ءارى ءبىر ءبولىم تيپتىك دەلولار جونىندە جالپى حابارلاندىرۋ شىعاردى.

تيپتىك دەلولار انايى مازمۇندار ارقىلى تارتۋ سيلاۋعا شىرعالاۋ، انايىلىقپەن جازالاۋ ارقىلى تارتۋ سيلاۋعا شىرعالاۋ، انايى ويىندار ارقىلى داۋىس جيناپ، تارتۋ سيلاۋعا شىرعالاۋ قاتارلىلاردى قامتيدى. مۇنىڭ ىشىندە، توپتىق تىكە تاراتىلىم تىركەلگىسى ”ەلىكتىرگەن بويجەتكەن“، ” YZB قىزدار توبى“ قاتارلىلار تىكە تاراتىلىم بارىسىندا ادامدى جايسىزداندىراتىن جازالاۋ تاسىلدەرىن قولدانىپ، ينتەرنەتتەن پايدالانۋشىلاردى تارتۋ سيلاۋعا جانە جۇرگىزۋشىمەن انايى مازمۇندا اڭگىمەلەسۋگە شىرعالاعان؛ ”Vibe-002“، ”كوك تەڭىزدىڭ جاعاسى“ قاتارلى توپتىق تىركەلگىلەر تىكە تاراتىلىم بارىسىندا تارتۋ سيلاۋشىلارمەن قاتارىنا قاراي حانىم تاڭداۋ ويىنىن ويناپ، توپتىق تاراتىلىمعا قاتىناسقانداردىڭ تارتۋ سيلاۋ سوماسىن قاساقانا جاريالاپ، ينتەرنەت قولدانۋشىلاردى جۇرگىزۋشىگە تارتۋ سيلاۋ ارقىلى ءوزىنىڭ قاتارىن جوعارىلاتۋعا شىرعالاعان. زاڭ بويىنشا قاتىستى تىركەلگىلەردىڭ ءسوز جاريالاۋىنا تيىم سالعان نەمەسە ولاردىڭ تىكە تاراتىلىم جۇرگىزۋ ۇقىعىن ماڭگىلىك توقتاتقان.

ورتالىق ينتەرنەت حاۋىپسىزدىگى جانە ينفورماتسيالاندىرۋ كوميتەتى كەڭسەسى مىنانى ءبىلدىردى: توپتىق تاراتىلىم جۇرگىزەتىن تىركەلگىلەردىڭ زاڭ – ءتۇزىم مەن ءمورالدىق ولشەمدەرگە قاتاڭ بويسۇنۋىن ءۇمىت ەتەمىز، زاڭ – تۇزىمگە قايشى نەمەسە الەۋمەتتىك جاقسى سالتقا ساي كەلمەيتىن مازمۇنداردى تاراتۋعا بولمايدى، اقاۋسىز، العاباسار، ساپالى، قوعامدىق قۇنىن ايگىلەيتىن اناعۇرلىم كوپ تاماشا تۋىندىلاردى بەلسەندى تۇردە دايىنداپ، تاماشا ينتەرنەت ەكولوگياسىن بىرگە قۇرايىق.

كەلۋ قاينارى: حالىق تورابى