ول شينجياڭنان تاڭدالعان بىردەن – ءبىر ادام

تاياۋدا 2024 ـ جىلعى جاراتىلىستىق بايلىق عىلىم ـ تەحنيكا سيلىعىنا يە بولعان جەتىستىكتەر جاريالاندى، شينجياڭ داشۋەسى گەولوگيا جانە كەن كاسىبى ينجەنەرياسى شۋەيۋانىنىڭ پروفەسسورى جاڭ زىجاۋ جاراتىلىستىق بايلىق جاستار عىلىم ـ تەحنيكا سيلىعىنا يە بولدى، ول شينجياڭنان تاڭدالعان بىردەن – ءبىر ادام. بۇل سيلىققا بۇكىل ەل بويىنشا تەك 50 سان عانا بەرىلگەن.

جاراتىلىستىق بايلىق عىلىم - تەحنيكا سيلىعى جاراتىلىستىق بايلىق مينيسترلىگىنىڭ جەتەكشىلىگىندە، جۇڭگو جەر عىلىمى قوعامى، جۇڭگو گەولوگيا عىلىمي قوعامى، جۇڭگو گەولوگيا كەن شارۋاشىلىعى قوعامى قاتارلى كوپتەگەن عىلىمي قوعامدار بىرلەسىپ قۇرعان، جاراتىلىستىق بايلىق سالاسىندا عىلىم - تەحنيكادا جاڭالىق اشۋدا ماڭىزدى ۇلەس قوسقان كوللەكتيۆتەر مەن جەكەلەردى سيلايدى.

جاڭ زىجاۋ ۇزاق ۋاقىت بويى ەنەرگيا سالاسىنا تەرەڭ ءۇڭىلىپ، نەگىزىنەن گەولوگيالىق اپاتتاردان ساقتانۋ جانە ونى جونگە سالۋ جانە كەن ەكولوگياسىن قالپىنا كەلتىرۋگە قاتىستى وقىتۋ جانە عىلىمي زەرتتەۋ قىزمەتىمەن شۇعىلدانادى. سوڭعى بەس جىلدا ول نىسان جۇرگىزۋشىسى رەتىندە مەملەكەت دارەجەلى ءتورت عىلىمي زەرتتەۋ نىسانىن، اۆتونوميالى رايوننىڭ كەلەلى عىلىم ـ تەحنيكا ارناۋلى نىسانى مەن ءتۇيىندى زەرتتەۋ ـ اشۋ نىساندارىنان ءبىر نىساندى، باسقا 80 نەشە نىساندى ۇستىنە الدى. ونىڭ ۋاكىلدىك سيپاتتى ناتيجەسى «شينجياڭداعى تيپتىك گەولوگيالىق اپاتتىڭ قالىپتاسۋ مەحانيزمى جانە ونىڭ الدىن الۋ، مەڭگەرۋدىڭ ءتۇيىندى تەحنيكاسى» دا العاشقى رەت شينجياڭنىڭ گەولوگيالىق اپات جانە اپات قالىپتاسۋ ورتاسى جانە حاۋىپ - قاتەرىن ۇيلەسىمدى ايىرىپ، ۇقساماعان رايوندارداعى تيپتىك گەولوگيالىق اپاتتىڭ قالىپتاسۋ مەحانيزمى جانە اپات تۋدىرۋ فورماسىن جۇيەلى اشىپ كورسەتىپ، شينجياڭ وڭىرىندە جەر كوشكىنى، لاي كوشكىنى قاتارلى تيپتىك گەولوگيالىق اپاتتاردى باقىلاۋ ـ ولشەۋ، ساقتاندىرۋ ءادىس ـ امالدارى جۇيەسىن ورناتىپ، حالىقتىڭ ءومىرى مەن مال ـ مۇلكىنىڭ حاۋىپسىزدىگىن جانە ەكونوميكانىڭ باياندى دامۋىن سەنىمدى كەپىلمەن قامدادى.

كەلۋ قاينارى: حالىق تورابى