ۆەنەسۋەلانىڭ باس پروكۋرورى ا ق ش - ىن ادامزاتقا قارسى قىلمىس وتكىزدى دەپ جازعىردى

شينحۋا اگەنتتىگىنىڭ 11 – ايدىڭ 26 - كۇنى كاراكاستان بەرگەن حابارى. ۆەنەسۋەلانىڭ باس پروكۋرورى تاليس ۋيلليام ساب 11 – ايدىڭ 26 - كۇنى بىلاي دەدى: ا ق ش – نىڭ كارايب تەڭىزى مەن شىعىس تىنىق مۇحيت رايونىنداعى اتالمىش ”ەسىرتكى ساۋدالاۋشى كەمەگە“ شابۋىل جاساۋى ادامزاتقا قارسى قىلمىس وتكىزگەندىك.

ساب سول كۇنى ءبىر رەتكى اقپار جاريالاۋ ماجىلىسىندە بىلاي دەدى: بۇل شابۋىلدار حالىقارالىق زاڭ مەن «ب م ۇ - نىڭ تەڭىز - مۇحيت زاڭىنا» قايشى. بۇدان سىرت، وتكەن سەگىز جىلدا ۆەنەسۋەلانىڭ پروكۋراتۋرا تاراۋلارى ەسىرتكى ساتۋعا سوققى بەرۋگە كۇش سالىپ، 370 توننادان استام ەسىرتكىنى تەكسەرىپ قولعا تۇسىرۋگە ات سالىستى.

ا ق ش مەملەكەتتىك كەڭەسى 11 – ايدىڭ 24 - كۇنى ۆەنەسۋەلا ”كۇن توبىن“ ”شەتەل لاڭكەستىك ۇيىمى“ قاتارىنا ەنگىزدى. ا ق ش جاق تاعى بۇل ۇيىمعا ۆەنەسۋەلانىڭ زۇڭتۇڭى مادۋرو جانە ونىڭ ۇكىمەتىنىڭ جوعارى جىك باسشىلارى باسشىلىق ەتتى دەگەندى ايتتى. ۆەنەسۋەلانىڭ سىرتقى ىستەر مينيسترى حيلل بىلاي دەپ جاۋاپ بەردى: ا ق ش جاق ايتقان اتالمىش ”كۇن توبى“ ۇيىمى جوق، ۆەنەسۋەلا جاق ا ق ش جاقتىڭ ”جوق لاڭكەستىك ۇيىمنان“ پايدالانىپ ۆەنەسۋەلاعا جالا جاپقاندىعىن جازعىرادى.

تاياۋدا ا ق ش ”ەسىرتكىنى قۋعىنداۋ“ دەگەندى سىلتاۋ ەتىپ، ۆەنەسۋەلانىڭ ماڭىنداعى كارايب تەڭىزى وڭىرىنە كوپتەگەن اسكەري كەمە ورنالاستىردى. 9 – ايدىڭ باسىنان بەرى ا ق ش ارمياسى كارايب تەڭىزى مەن شىعىس تىنىق مۇحيتتا ا ق ش جاق كورسەتكەن 20 دان استام ”ەسىرتكى ساتۋشى كەمەسىن“ سۋعا باتىرىپ، 80 نەشە ادامدى ءولتىردى. ا ق ش ەسىرتكى قۋعىنداۋ مەكەمەسىنىڭ تاياۋ جىلداردان بەرگى مالىمەتىندە ۆەنەسۋەلا ا ق ش – ىنا كىرگەن ەسىرتكىنىڭ نەگىزگى قاينارى ەمەس ەكەندىگى كورسەتىلگەن. ۆەنەسۋەلا ۇكىمەتى ا ق ش - نىڭ اسكەري قۇقاي كورسەتۋ ارقىلى بيلىكتى اۋىستىرۋدى جوسپارلاعان، سونداي - اق لاتىن امەريكاسىندا اسكەري ىرگە كەڭەيتپەكشى بولعان ويىن تالاي رەت جازعىرعان بولاتىن.

كەلۋ قاينارى: حالىق تورابى