شينجياڭنىڭ كليمات اۋقىمى تۋرالى ەڭ جاڭا بولجام

2025/2026 – جىلعى قىس ماۋسىمىنداعى شينجياڭنىڭ كليمات اۋقىمى تۋرالى بولجام جاريالاندى! بولجامعا قاراعاندا، بيىل قىس ماۋسىمىندا شينجياڭدا قىستىڭ العاشقى جارىمى جىلى، سوڭعى جارىمى سۋىق بولادى، كوبىنەسە اۋا تەمپەراتۋراسى ءبىرشاما جوعارى بولىپ، سۇركەيلى تومەن تەمپەراتۋرا ازداۋ بولادى.

شينجياڭ اۋا رايى مەكەمەسى ۋيشين تەكشەسىنىڭ حابارلاۋىنشا، 11 – ايدىڭ 28 – كۇنى شينجياڭ كليمات ورتالىعى 2025/2026 – جىلعى قىس ماۋسىمىنداعى (2025 – جىلى 12 – ايدان 2026 – جىلى 2 – ايعا دەيىن) شينجياڭنىڭ كليمات اۋقىمى تۋرالى بولجامدى جانە 2025 – جىلعى 12 – ايداعى كليمات اۋقىمى تۋرالى بولجامدى جاريالاعان.

بولجامعا قاراعاندا، 2025/2026 – جىلعى قىس ماۋسىمىندا بۇكىل شينجياڭدا اۋا تەمپەراتۋراسى جاعىندا جالپى جاقتان ”قىستىڭ الدىڭعى جارىمى جىلى، سوڭعى جارىمى سۋىق“ بولۋ سىندى كەزەڭدىك وزگەرىس ەرەكشەلىگى جارىققا شىعادى، قىس ماۋسىمىندا سۇركەيلى تومەن تەمپەراتۋرا جالپى جاقتان از ۇشىرايدى، باستىسى، التاي ايماعى، تارباعاتاي ايماعى، بۇراتالا موڭعۇل اۆتونوميالى وبلىسى، قارامايلى قالاسى، ءۇرىمجى قالاسى، سانجى حۇيزۋ اۆتونوميالى وبلىسى، شىحىزى قالاسى، سونداي – اق، وڭتۇستىك شينجياڭداعى قىزىلسۋ قىرعىز اۆتونوميالى وبلىسى مەن قاشقار ايماعىنىڭ تاۋلى رايوندارىندا بايقالادى؛ 2025 – جىلى 12 – ايدىڭ ورتا شەنى مەن 2026 – جىلى 1 – ايدىڭ سوڭعى شەنى، 2 – ايدىڭ باس شەنى، ورتا شەنى سۇركەيلى تومەن تەمپەراتۋرا نەگىزىنەن شوعىرلى بايقالاتىن كەزەڭ سانالادى.

تەمپەراتۋرا — مەجەمەن 2025/2026 – جىلعى قىس ماۋسىمىندا بۇكىل شينجياڭنىڭ كوپ ءبولىم جەرىندە تەمپەراتۋرا جوعارىلاۋ بولادى، مۇنىڭ ىشىندە، ىلە قازاق اۆتونوميالى وبلىسى، بۇراتالا وبلىسى، تارباعاتاي ايماعىنىڭ وڭتۇستىك بولىگى، قارامايلى قالاسى، شىحىزى قالاسى، سانجى وبلىسى، ءۇرىمجى قالاسى قاتارلى جەرلەردە تەمپەراتۋرا بۇرىنعى جىلدارداعىدان ℃1.0 - ℃0.3 جوعارى بولادى، تۇرپان قالاسى، قۇمىل قالاسى، بايىنعولىن موڭعۇل اۆتونوميالى وبلىسى، اقسۋ ايماعى، قاشقار ايماعى، قىزىلسۋ وبلىسى، حوتان ايماعى قاتارلى جەرلەردە ℃1.0 - ℃1.9 جوعارى بولادى، ال، التاي ايماعىندا جانە تارباعاتاي ايماعىنىڭ سولتۇستىك بولىگىندە اۋا تەمپەراتۋراسى ورتا ەسەپپەن بۇرىنعى جىلدارداعىدان ℃0.2 - ℃0.9 تومەن بولادى.

جاۋىن – شاشىن — مەجەمەن 2025/2026 – قىس ماۋسىمىندا شينجياڭ بويىنشا كوپ ءبولىم جەردە جاۋىن – شاشىن ءبىرشاما از بولادى، تەك التاي ايماعىندا، تارباعاتاي ايماعىنىڭ سولتۇستىك بولىگىندە جانە قۇمىل قالاسىنىڭ سولتۇستىك بولىگىندە ءبىرشاما كوپ بولادى. مۇنىڭ ىشىندە، مەجەمەن 12 – ايدا شينجياڭعا ىقپال جاسايتىن جاۋىن – شاشىندى اۋا رايى نەگىزىنەن 5 رەت بولادى، بايقالاتىن ۋاقىتى جانە دارەجەسى جەكە – جەكە 12 – ايدىڭ باس شەنىنىڭ سوڭىنا الا (ورتاشا دارەجەدە)، 12 – ايدىڭ ورتا شەنىنىڭ باستاپقى مەزگىلىندە (ورتاشا – باسەڭدەۋ)، 12 – ايدىڭ ورتا شەنىنىڭ ورتاڭعى مەزگىلىندە (ورتاشا – باسەڭدەۋ)، 12 – ايدىڭ ورتا شەنىنىڭ سوڭعى مەزگىلىندە (ورتاشا – باسەڭدەۋ)، 12 – ايدىڭ اياق شەنىنىڭ سوڭعى مەزگىلىندە (ورتاشا دارەجەدە).

اۋا رايى تاراۋلارى مىنانى ەسكەرتەدى: بيىل قىستا شينجياڭ بويىنشا سۇركەيلى تومەن تەمپەراتۋرا جالپى جاقتان از بولعانىمەن، الايدا، التاي ايماعى، تارباعاتاي ايماعى، بۇراتالا وبلىسى، سولتۇستىك شينجياڭداعى تيانشان تاۋىنىڭ باۋرايىنداعى وڭىرلەر جانە وڭتۇستىك شينجياڭنىڭ باتىس بولىگىندەگى تاۋلى وڭىرلەر قاتارلى جەرلەردە تەمپەراتۋرانىڭ كەزەڭدىك سيپاتتى تومەندەۋى تۋىلىپ تۇرادى، قاتىستى كاسىپ سالالارىنىڭ اۋا رايى تاراۋلارى سول كەزدەگى اۋا رايى تۋرالى جاريالاعان بولجامدارعا ءجىتى نازار اۋدارىپ، سۋىق اعىس، بوران، قالىڭ قار قاتارلى سۇركەيلى تەمپەراتۋرانىڭ ەنەرگيامەن قامداۋ – قامتاماسىزداندىرۋ جانە قاتىناس – تاسىمالى قاتارلى سالالارعا جەتكىزەتىن ءتيىمسىز ىقپالداردان ساقتانعانى ابزال.

كەلۋ قاينارى: حالىق تورابى